Polici Zocher hetimet i kryen në mënyrë interne, lufton krimin në veri

nga **Agim Gashi** Tue Nov 20, 2012 5:07 pm

Polici Zocher hetimet i kryen në mënyrë interne, lufton krimin në veri

Polici nga Tyringeni Robby Zocher lufton krimin e rëndë në Ballkan, ky është titulli i një artikulli kushtuar Kosovës, botuar në numrin e sotëm të gazetës gjermane Tyringer Allgemajne. Robby Zocher, është polic gjerman që rrezikon jetën përditë në luftën kundër krimeve të rënda në veri të Kosovës.

Me një qershor ai ishte në mesin e ushtarëve të KFOR-it kur nga ana tjetër e barrikadës, serbët shtëne me armë kundër tyre. Vendi ku ai vepron është qyteti kosovar i Mitrovicës, i ndarë në mes nga lumi Ibër. Qytet ky ku ndahen shqiptarët dhe serbët e ku fjala nuk është mjeti i duhur për zgjidhjen e problemeve, por arma.

Veriu i Mitrovicës, shkruan Tyringer Allgemajne është vendi i punë së policit Zocher. Kë më shumë se një vit e gjysmë që ai ndjek kriminelët në këtë pjesë të Kosovës në kuadër të misionit evropian Euleks. Që nga maji i vitit të kaluar, kur ka marrë detyrën në veri të Kosovës, polici Zoher tregon se ka hetuar 62 raste të krimit. Ai thotë se vjedhja dhe mashtrimi nuk bien në fushëveprimin e tij – objekt i hetimeve për të janë sulmet me armë e granata.

Vetëm në javën e fundit ka pasur katër sulme me granata e armë, thotë ai për gazetën gjermane. Nga këto sulme nuk kursehen as makinat e policisë së Kosovës, por as ato të EULEX-it. Në shumicën e rasteve, polici Zocher hetimet i kryen në mënyrë interne, vetëm me policë të Euleksit dhe pa pjesëmarrjen e hetuesve vendorë. Ndonëse ka përvojë shuam të gjatë në zbulimin krimeve, kjo nuk arrihet me aq sukses në veri të Kosovës.

Arsyeja për këtë nuk është puna profesionale, por barrierat gjuhësore dhe mungesa e bashkëpunimit të qytetarëve serbë ne veri, të cilët Policinë e EULEX-it e shohin me shuam dyshim. Ai shprehet e i dëshpëruar sidomos për raste kur krimi zbulohet, identifikohen kryesit e krimit, por ata nuk arrestohen. Ai nënvizon rastin e vrasjes së policit të Kosovës me 25 korrik të vitit 2011.

“Serbët kishin sulmuar konvojin e Policisë së Kosovës dhe kishin vrarë një polic të njësisë speciale. Ne kemi shpallur gjashtë fletë - arrestime ndërkombëtare, e përkundër kësaj ende nuk është arrestuar asnjëri nga kriminelët e kërkuar”, theksoi ai.

Personalisht thotë se nuk ka pasur frikë për jetën e tij. Jeton i vetëm në një banesë në pjesën jugore të Mitrovicës, ndërsa tregon se ka përvojë pasi ka qenë me misione të ngjashme edhe në Bosnjë e Afganistan dhe se më shumë se gjysmën e viteve të punës i ka kaluar në misione jashtë vendit. Zocher rrëfen se misioni në Kosovë është i fundit dhe se tani do të kthehet në atëdhe, i lumtur se festën krishtlindjes do ta festojë me gruan dhe fëmijët në Tyringen.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30