Hafiz Gagica:Telegram ngushllimi për shuarjen e Gani Azemit

nga **Agim Gashi** Tue Nov 27, 2012 11:33 am

Hafiz Gagica:Telegram ngushllimi për shuarjen e Gani Azemit

E nderuara Familje e Gani Azemit,

Më dhimbje të madhe e lexova lajmin e vdekjes së hershme të veprimtarit të pa lodhshëm të çështjes kombëtare, patriotit Gani Azemi, me të cilin më ka ra më shumë se një dekadë që të bashkëpunojmë dhe të jemi gjithnjë afër aktiviteteve që kemi zhvillue si Kolegjium i Degëve të LDK-së në Perëndim.
Në këto çaste të pikëllimit tuaj të madh për humbjen e më të dashurit tuaj, ndaj bashkë me juve dhimbjen që keni për të, duke iu shprehur ngushëllimet e mia më të thella.
Ganiu e deshi shumë Kosovën, punoi për të dhe u angazhue maksimalisht për ta pa të lirë, të pavarur dhe të bashkuar me shtetin shqiptar. Ai arriti ta gëzoi lirinë dhe të merr pjesë aktive në institucionet e shtetit të Kosovës, në bërjen e atdheut të tij që e deshi dhe bëri aq shumë për të.

Lavdi jetës dhe veprës së Gani Azemit..!

Hafiz Gagica

nga **Agim Gashi** Tue Nov 27, 2012 11:46 am

Mentor Thaqi

I dashur Hafiz, me zemer dhe shpirt te plagosur nga kjo dhimbje e madhe per Gani Azemin, i bashkohem telegramit tend ngushellues drejtuar Familjes se Ganiut dhe Kombit mbare. @@@ Ketu, duke shikuar kete fotografi te bere ne kohet me vendimtare te asajEpoke Nderi, une nuk kam mundesi as me te voglen te e kaloj pa i thene dy-tri fjale: Vet perzgjedhja e fotografise me Koloset Kombetar Pjeter Arbnori, Salih Cekaj, Gani Azemi dhe vet Hafizi si pjese e pandare e kesaj Epoke Nderi, eshte komenti me i duhur ne kete 100 Vjetor Arberor qe shtron pyetjen e drejt: A po injorohen, a ka tendenca te qellimshme injoruese per kete Epoke Nderi, per keta Kolos Kombi, per njerezit me te afert te Presidentit Rugova dhe vet Presidentin?! Nese po, un mendoj se ka qellim injorimi te shemtuar, jo vetem nga pushteti i , por edhe nga vet subjektet e djathta, me theks nga kjo nomenklatur puciste e LDK, atehere pyes veten me te drejt se pse e lejuam kaq gjate kete poshtersi ndaj mundit dhe sakrifices rugoviane nga njerez qe apsolutisht nuk kan gje te perbashket me rugovizmin! Medet!

nga **Agim Gashi** Tue Nov 27, 2012 11:47 am

Rexhep Elezaj

I nderuari Hafiz Gagica, e ndaj me zëmër dhe shpirt dhimbjen me familjen e Ganiut, që humbi njeriun e madh të saj të cilës me këtë rast pikëllimi i shprehi ngushëllimet e mia më të thella. Po ashtu, Hafiz edhe ju pranoni ngushëllimet e mia për humbjen e mikut dhe bashkëpuntorit tuaj të madh, Gani Azemit, me të cilin keni punua dhe bashkëpuna për të mirën e Kosovës mbi një dekadë. Ju nga Shtutgarti e ai nga Brukseli keni qenë dorë e djathtë e liderit tonë historik, dr. Ibrahim Rugova në të gjitha veprimtaritë diplomatike, në veçanti në futjen e çështjes së Kosovës në Parlamentin dhe Këshillin evropian. Ganiu ishte ndër intelektualët dhe patriotët tanë më të shquar në mërgatë, që ka lënë gjurmë të pashlyera në arritjen e lirisë dhe pavarësisë së Kosovës. Lavdi i qoftë jetës dhe veprës së tij..!