Qeveria dhe presidenca, keqardhje për anulimin e ceremonisë

nga **Agim Gashi** Tue Nov 27, 2012 4:26 pm

Qeveria dhe presidenca, keqardhje për anulimin e ceremonisë

- Presidentja e Republikës së Kosovës dhe Qeveria e Kosovës, kanë shprehur keqardhje për anulimin e ceremonisë së përurimit të segmentit të pestë të "Rrugës së Kombit - Ibrahim Rugova".

Presidentja Atifete Jahjaga, nëpërmjet një komunikate për shtyp, citohet të ketë thënë se “përurimi i Udhës së Kombit ‘Ibrahim Rugova’, veprës të përbashkët madhore, është përmbushje e një ëndrre dhe synimi të kamotshëm”.

Ajo u ka bërë thirrje qytetarëve të shfaqin maturinë “që na ka karakterizuar si shoqëri përballë sfidave shumë të rënda në të kaluarën, prej të cilës dolëm fitimtarë dhe t’ju besojmë institucioneve të Republikës së Kosovës në zbatimin e përgjegjësive të tyre”.

Nëpërmjet një komunikate gjithashtu, Qeveria e Kosovës ka sqaruar se "anulimi ndodhi për shkak të ndërhyrjes së një grupi qytetarësh të pandërgjegjshëm, që demoluan vendin ku duhej të mbahej ceremonia".

"Qeveria e Republikës së Kosovës falënderon qytetarët e shumtë, që kanë ardhur për të festuar, në veçanti falënderon dhe u kërkon mirëkuptim për ndërprerjen e ceremonisë, kryeministrit të Shqipërisë, Sali Berisha, presidentes Jahjaga, ambasadores amerikane në Prishtinë, Jacobson, ambasadores e Turqisë në Prishtinë, Ozan dhe shumë personaliteteve tjera vendore dhe ndërkombëtare, që ishin paraparë të mbanin fjalë rasti në këtë ceremoni", thuhet në komunikatë.

Mon	Tue	Wed	Thu	Fri	Sat	Sun
	1	2	3	4	5	6
7	8	9	10	11	12	13
14	15	16	17	18	19	20
21	22	23	24	25	26	27
28	29	30	31