New York Times: NATO-ja ndihmoi UÇK-në dhe ushtrinë kroate

nga **Agim Gashi** Sat Dec 01, 2012 1:09 pm

New York Times: NATO-ja ndihmoi UÇK-në dhe ushtrinë kroate

E përditshmja më e madhe amerikane “New York Times” i ka kushtuar një artikull të gjatë lirimit nga Gjykata e Hagës të ish kryeministrit të Kosovës, Ramush Haradinaj.
NYT shkruan se Ushtria Çlirimtare e Kosovës (UÇK) ka pasur mbështetje të madhe të NATO-s në luftë, e cila më pas qoj deri te pavarësimi i Kosovës.
Gazeta thekson se verdikti shfajësues në Hagë ka nxitur reagime të ashpra në Serbi, duke shtuar se perëndimi ka mbështetur edhe UÇK-në edhe ushtrinë kroate.
Kjo e përditshme rikujton se Haradinaj ishte në postin e kryeministrit të Kosovës për 100 ditë kur ish kryeprokurorja e Hagës, Carla del Ponte ngriti aktakuzën kundër tij në vitin 2005. “Haradinaj me ta marrë zyrtarisht aktakuzën dha dorëheqje”.
“Para shkuarje në Hagë, Haradinaj tha se është i pafajshëm dhe se aktakuza është rezultat i tregtisë që disa e kanë bërë me qeverinë serbe në mënyrë që Beogradi të ekstradoj të dyshuarit kryesor për krime luftë”, shkruan NYT.
Ish kryeministri Haradinaj me të mbërritur mbrëmë në Prishtinë ka dhënë një deklaratë përmes telefonit për “New York Times”, duke thënë se i ka ndjenjat e përziera.
“U bë padrejtësi ndaj mua dhe popullit tim”, ka thënë Haradinaj për këtë të përditshme, duke shtuar se “është i lumtur që pas një kohe të gjatë do të kontribuoj në ndërtimin e shoqërisë kosovare”.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30