Vera DUSHI:PISHTARI I RIBASHKIMIT KOMBËTAR SHQIPTAR RINDIZET NË PRIZREN !

nga **Agim Gashi** Mon Dec 03, 2012 11:55 am

PISHTARI I RIBASHKIMIT KOMBËTAR SHQIPTAR RINDIZET NË PRIZREN !

Aty ku më 10 Qershor 1878 u nis bashkimi kombëtar – te Shtëpia e Lidhjes Shqiptare të Prizrenit, më 28 Nëntor 2012, nga Fronti Demokratik i Bashkimit Kombëtar (FDBK) u mbajt festimi solemn me rastin 100 Vjetorit të Pavarësisë së Shqipërisë, që në atë kohë ishte Shqipëria e 4 (katër) vilajeteve shqiptare (Vilajetit të Kosovës, Vilajetit të Manastirit, Vilajetit të Shkodrës dhe Vilajtetit të Janinës), Shqipëria Historike.

Vera DUSHI:PISHTARI I RIBASHKIMIT KOMBËTAR SHQIPTAR RINDIZET NË PRIZREN ! FDBK-Nje-komb-nje-flamur-nje-shtet

~REPORTAZH~

Vera DUSHI (*)

Me shumë emocione dhe e veshur kuq e zi, u nisa në mëngjesin e 28 nëntorit 2012 nga Tirana për në Prizren. Ishte një mot me shumë shi, sikur Nëna Shqipëri, edhe pse në festën e 100 vjetorit të pavarësisë, po çante se nuk i ka bijtë e saj, Kosovën historike, Malësinë e Madhe dhe Çamërinë në gjirin e vet.

Në orën 6 nisi autobuzi. Me qëllimin e propagandimit të tubimit të FDBK-së në Prizren, u thashë të gjithë udhëtarëve për këtë ngjarje. Gjatë rrugës pashë se shumë makina të bashkëatdhetarëve tanë nga të gjitha trojet etnike shqiptare ishin duke ardhur në Republikën e Shqipërisë për të festuar ditën e madhe të 100 vjetorit të pavarësisë.

Unë arrita në kohë në Prizren dhe u orientova drejt Shtëpisë së Lidhjes Shqiptare të Prizrenit, shtëpi e veçantë për historinë e kombit shqiptar, sepse pikërisht më 10 Qershor të vitit 1878, atje u krijua Lidhja Shqiptyare e Prizrenit, që kishte në programin e vet, si hap të parë, krijimin e një vilajeti të vetëm shqiptar, me qëllim të mbrojtjes nga qëllimet grabitçare sllavo-greke, për të arritur drejt krijimit të një shteti të vetëm kombëtar shqiptar në Ballkan.

Shtëpia e Lidhjes Shqiptare të Prizrenit është një godinë e bardhë me dekor të kaftë. Rreth saj është një oborr i vogël në rreth dhe ka edhe një tribunë.

Në pjesën e tribunës u vendos dekori: Flamuri Kombëtar, parulla: Fronti Demokratik i Bashkimit Kombëtar.

Një komb, një Flamur, një Shtet dhe një postër i titulluar:

Vera DUSHI:PISHTARI I RIBASHKIMIT KOMBËTAR SHQIPTAR RINDIZET NË PRIZREN ! Prizren-21

Themeltarët e Shqipërisë Etnike, ku ishte fotografitë e Gjergj Kastrioti-Skenderbeu, Avdyl Frashëri, Ismail Qemali dhe
Hasan Prishtina, si dhe fotografitë e Herojve të UÇK-së: Adem Jashari, Tahir Sinani dhe Ismet Jashari-Kumanova.

Deri në nisjen e tubimit, u grumbullua shumë popull, gjë që i dha manifestimit një karakter madhështor.

Në orën 12 fiks nisi manifestimi. Prezantuesja e veshur në kostum kuq e zi me shqiponjë, Zonja Shpresa Berisha – Doda, kjo Shqiponjë e zbritur në Tokë, nisi me zërin e saj solemn paralajmërimin e intonimit të Hymnit Kombëtar. Të gjithë u ngritën në këmbë dhe Hymni i dha jehonë Shtëpisë së Lidhjes Shqiptare të Prizrenit. Më pas u mbajt një minut heshtje për të gjithë Dëshmorët e Kombit që e dhanë jetën për lirinë e tokës së Shqipërisë Etnike dhe për ribashkimin kombëtar.

Vera DUSHI:PISHTARI I RIBASHKIMIT KOMBËTAR SHQIPTAR RINDIZET NË PRIZREN ! Prizreni-7

Më pasShqiponja-prezantuese lajmëroi fjalimin e Zv.Presidenti i FDBK-së, z. Vesel Bojku nga Dardana e Republikës së Kosovës, që përcolli mesazhin e Programit të Frontit Demokratik të Bashkimit Kombëtar (FDBK) për vazhdimin e rrugës deri në realizimin e Shqipërisë Etnike. Fjalim mbajti edhe Kryetari i FDBK-së në Republikën Kosovës, z. Hysni Elshani nga Klina dhe Kryetari i FDBK-së në Republikën e Shqipërisë, z. Zef Çupi nga Mirëdita në Durrës.

Midis të tjerash, z. Hysni Elshani ka kërkuar: “Sot, këtu në Prizrenin historik, para tempullit të beslidhjes shqiptare, u bëjmë apel të gjitha forcave politike shqiptare, këndej dhe andej kufirit shqiptaro-shqiptar që të mos bëhen pengesë e procesit të natyrshëm të bashkimit kombëtar, përndryshe do të përfundojnë në llumin e historisë. Populli ynë, po ndërgjegjësohet për ditë e më shumë së vetem bashkimi kombëtar do ta shpetoj dhe do ta bëj të rrugëtoj dinjitetshëm përkrah popujve tjerë. Asgjë nuk po kërkojmë më shumë, përvec asaj që i është mohuar që një shekull.”

Kurse z. Zef Çupi ka shpjeguar, në fjalimin e vet, edhe domëthënien e zgjedhjes së Prizrenit si vend manifestimi i FDBK-së, në 100 Vjetorit të Pavarësisë, duke theksuar se Programi i Frontit Demokratik të Bashkimit Kombëtar është Programi i Lidhjes Shqiptare të Prizrenit, për realizimin të një shteti unik kombëtar shqiptar, Shqipëria Etnike.

Më pas, një intelektual të pavarur ka shpjeguar rrugëtimin 100 vjeçar të kombit shqiptar drejt ribashkimit kombëtar, një përmbledhje historiko-politike të të gjitha përpjekjeve shqiptare për arritjen e çlirimit dhe ribashkimit kombëtar.

Veprimtarja me origjinë shqiptare nga Rumania, Mona Agrigoroaiei, ka mbajtur një fjalë përshendetëse, duke nënvizuar domosdoshmërinë e ribashkimit kombëtar, “sepse të gjithë dëshmorët e kombit e kanë përmbushur amanetin e tyre për krijimin e shtetit të vetëm kombëtar, kurse ne të gjallët duhet të vazhdojmë rrugën deri në realizimin e Shqipërisë Etnike”.

Më pas fjalën e morën edhe mbesa e Isa Boletinit dhe pasardhësi i veprimtarit të Rilindjes Kombëtare, Ramadan Zaskoci.

Programi artistik është nisur nga katër nxënës të shkollës fillore, që recituan vjersha të mrekullueshme që mendoj se iu bëri përshtypje të gjithë të pranishmeve. Një djalë tjetër i shkollës së mesme ka recituar një poezi kushtuar dëshmorëve të kombit. Programi u përfundua me recitalin e këngëve popullore të grupit “Gurra” nga Gjilani, gjatë programit të të cilit edhe Kalaja sipër Shtëpisë së Lidhjes së Prizrenit u mbush plot dhe dy pleq filluan të hedhin valle në ledhet e Kalasë.

Vera DUSHI:PISHTARI I RIBASHKIMIT KOMBËTAR SHQIPTAR RINDIZET NË PRIZREN ! Prizren-61

(*) Autorja është Zëdhënëse e Forumit Rinor të FDBK, Rinia Kombëtare Shqiptare (RKSH)

Tiranë, më 30 Nëntor 2012

Mon	Tue	Wed	Thu	Fri	Sat	Sun
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30