Qeveria miraton projektligjin për përgjime telefonike

nga **Agim Gashi** Mon Dec 03, 2012 5:47 pm

Qeveria miraton projektligjin për përgjime telefonike

Thaçi shpalos temat për takimin e radhës me Daçiqin

Qeveria e Kosovës ka miratuar projektligjin për përgjime telefonike. Në mbledhjen e mbajtur sot, Zëvendëskryeministri i Kosovës, Hajredin Kuçi tha se me përgjimin e telefonave të disa prej zyrtarëve të lartë të PDK-së ditëve të fundit është shkelur privatësia e individit.

“Respektimi i ligjit dhe parimeve të demokracisë nuk bëhet duke cenuar liritë dhe të drejtat e qytetarëve”, tha Kuçi.

Thaçi: Gjithçka gati për fillimin e zbatimit të marrëveshjes për IBM

Një ditë para takimit të radhës në Bruksel me Kryeministrin e Serbisë, Ivica Daçiq, Kryeministri i vendit, Hashim Thaçi ka thënë se kësaj here do diskutohet marrëveshja për menaxhimin e integruar të kufijve dhe mundësia e hapjes së zyrave ndërlidhëse.

Para se të udhëtoj për në Bruksel për ta takuar homologun e tij serb, Kryeministri Thaçi ka thënë se janë bërë të gjitha përgatitjet për fillimin e zbatimit të marrëveshjes për menaxhimin integruar të kufijve. Sipas kryeministrit kjo shënon një hap përpara në raportet ndërshtetërore me Serbinë.

”Dëshiroi të theksoi se është punuar maksimalisht, për përmbylljen e të gjitha përgatitjeve teknike në pikat doganore apo kufitare, ku pritet të filloi ky proces. Përgatitjet teknike janë në përfundim e sipër. Fillimi i implementimit të kësaj marrëveshje, shënon dhe një kthesë në procesin e normalizimit të marrëdhënieve mes shtetit të Kosovës dhe Serbisë”, pohoi Thaçi.

Kryeministri i vendit ka thënë gjithashtu se në këtë raund bisedimesh do të flitet edhe për çështje të tjera. “Do të flitet edhe për mundësinë e hapjes së zyrave ndërlidhëse në Prishtinë dhe Beograd. Si dhe për autostradën që lidh Kosovën me Serbinë”, ka thënë Thaçi.

Marrëveshja për menaxhimin e integruar të kufijve e arritur vitin e kaluar me ndërmjetësim të Bashkimit Evropian fillimisht përfshin katër vendkalime kufitare. Sipas marrëveshjes pikat e përbashkëta doganore në Merdar dhe Bërnjak po ndërtohen nga pala jonë ndërsa ato në Dheun e Bardhë dhe Jarinjë është duke i ndërtuar pala serbe.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30