Holandë, lojtarët vrasin anësorin

nga **Agim Gashi** Tue Dec 04, 2012 4:19 pm

Holandë, lojtarët vrasin anësorin

Tre futbollistë të rinj i marrin jetën me shkelma dhe grushte

Holanda është tronditur nga ndarja nga jeta e një asistent gjyqtari, i cili u sulmua pas një ndeshje miqësore futbolli, ndërmjet dy skuadrave të para të rinjve.
Anësori 41-vjeçar, Richard Nieuwenhuizen, u shpall klinikisht i vdekur nga policia, prej dhunës së ushtruar ndaj tij nga tre futbollistë të rinj, të moshës 15 dhe 16 vjeç. Djemtë, të akuzuar si përgjegjës për dhunën makabre janë arrestuar. Policia nuk ka përjashtuar arrestime të tjera.
Ngjarja ndodhi gjatë fundjavës, kur një skuadër para të rinjsh nga Amsterdami, Nieuw Sloten, ka zhvilluar një ndeshje testuese në fushën e Buitenboys.
Në fund të takimit, anësori është goditur me shkelma dhe grushte në fytyrë dhe kokë nga tre lojtarë të skuadrës nga Amsterdami edhe kur ishte i shtrirë në tokë.
Pas disa orësh, kur ndjeu probleme serioze, ai u transportua në spital ku u konfirmua se kishte pësuar dëmtime të rënda cerebrale.
Lajmi për ndarjen nga jeta të anësorit u dha nga klubi Buitenboys, në të cilin Nieuwenhuizen punonte edhe si drejtues.
Nga ana e tyre, autoritetet holandeze kanë reaguar ndaj kësaj ngjarje të tmerrshme, duke bërë të ditur se federata holandeze e futbollit por edhe organet e drejtësisë do të reagojnë shumë ashpër për raste të tilla.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30