Berisha: Bëni të vërtetë ëndrrën e bashkimit kombëtar

nga **Agim Gashi** Sat Dec 08, 2012 10:38 pm

Berisha: Bëni të vërtetë ëndrrën e bashkimit kombëtar

Kryeministri në aktivitetin e organizuar për ditën e Rinisë

“Krenar me qenë shqiptar, por dhe më krenar me qenë i ri shqiptar”. Me këtë moto u është drejtuar sot herë pas here kryeministri Sali Berisha të gjithë qytetarëve, të rinjve dhe të rejave të pranishme në aktivitetin e organizuar me rastin e Ditës Kombëtare të Rinisë, 22 vjetorit të lëvizjes studentore. Dhe kreu i qeverisë shqiptare shfrytëzoi këtë ditë për t’i bërë thirrje të gjithë rinisë për të rrëzuar me votë murin e bllokimit të ëndrrës evropiane.
“Sot pas 22 vitesh bijtë e etërve që u ngujuan në izolimin më të egër përdorin votën e tyre në parlament, për të bllokuar ëndrrën tuaj evropiane, për të bllokuar projektin tuaj evropian”- iu drejtua kryeministri të pranishmëve duke akuzuar në këtë mënyrë kreun e PS-së Edi Rama për mosvotimin e tre ligjve në kuvend.
Ai bëri thirrje që më 23 qershor të 2013 të rrëzojnë me votë murin e bllokimit të ëndrrës evropianë, që kanë ngritur pinjollët e bllokmenëve hoxhistë.
“Të humbur kanë qenë gjithmonë ata që janë përballuar me ju”- theksoi Berisha.

Berisha: Bëni të vërtetë ëndrrën e bashkimit kombëtar

Berisha: Bëni të vërtetë ëndrrën e bashkimit kombëtar 8dhjetori2

Duke iu drejtuar të rinjve kryeministri apeloi për të bërë realitet ëndrrën e bashkimin kombëtar në Europë, për të shëruar plagët që rrjedhin prej një shekull mbi kombin tonë.
“Sot jetojmë 5 shtete, por jemi një komb i vetëm, me një gjak, me një gjuhë, me një flamur, me një prijës të pamposhtur Skënderbeun. Jemi një komb i vetëm që s’na ndan asgjë në botë. Me zjarr, me hekur, me traktate të padrejta kufijtë që copëtuan në 5 pjesë trupin dhe gojën shqiptare që dergjeshin pas shekujsh robërie. Jam sot më besimplotë se kurrë tek të rinjtë dhe rejat shqiptarë të bashkohemi me njëri-tjetrin me Europën”- theksoi kryeministri shqiptar.

Berisha: Azem ti je gjallë!

Berisha: Bëni të vërtetë ëndrrën e bashkimit kombëtar 487134_475791795805340_1795782907_n-2

Në fjalën e tij kreu i qeverisë u shpreh i lumtur që feston me të rinjtë ditëlindjen e të drejtave themelore njerëzore. Duke shprehur mirënjohje për të gjithë studentët e dhjetorit që përmbysën regjimin më të egër diktatorial me në krye Azem Hajdarin, tribunin e lirisë, ai tha se vizioni evropian dhe guximi i qytetarëve do shndërroheshin në uraganin e lirisë që do përmbyste dikaturën hoxhiste, do ndante epokën dhe historinë.

“Më 8 dhjetor ‘90 studentët e Tiranës me në krye tribunin e lirisë Azem Hajdari u përballën në rrugë dhe sheshe me diktaturën më të egër në Europë që për 45 vite me radhë persekutoi e burgosi, ekzekutoi me gjyq e pa gjyq, u mori jetën me burgje, kampe përqëndrimi, kooperativa skllavëruese socilaiste qindra e mijëra shiqptarëve. Studentët liberatorë dhe prijësi legjendar Hajdari gjunjëzuan regjimin primitiv që u ndalonte shqiptarëve besimi tek Zoti, u ndaloi pronën, lëvizjen e lirë Rroftë Azem Hajdari. Azem ti je gjallë!”- deklaroi kreu i qeverisë.

Në këtë ditë kryeministri kujtoi edhe arritjet e Shqipërisë në 100 vite, përmbysjen e regjimit hoxhist, anëtarësimin në NATO, lëvizjen e lirë dhe kremtimet për këtë ditë që bashkoi shqiptarët nga të gjitha skajet.

“Nga çdo skaj jehoi kushtrimi “Krenar me qenë shqiptar, por shumë më krenar me qenë e re dhe i ri shqiptar”, sepse kur kombi jetonte diktaturën më të egër, ju u ngritën mbi betejat dhe na kthyen lirinë”.

Kryeministri Berisha shfrytëzoi Ditën Kombëtare të Rinisë për të informuar nga sot ai do të jetë anëtar i rrjetit social facebook.
“Zgjodha këtë ditë për të ardhur tek ju me facebookun tim”-tha ai.

Berisha: Bëni të vërtetë ëndrrën e bashkimit kombëtar 403486_475791989138654_942300060_n

Berisha: Bëni të vërtetë ëndrrën e bashkimit kombëtar 8dhjetori4

Berisha: Bëni të vërtetë ëndrrën e bashkimit kombëtar 8dhjetori1

Berisha: Bëni të vërtetë ëndrrën e bashkimit kombëtar 8dhjetori3

Berisha: Bëni të vërtetë ëndrrën e bashkimit kombëtar 8dhjetori6

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30