600 gjakovarë i bashkohen PDK-së

nga **Agim Gashi** Sun Dec 09, 2012 9:48 pm

600 gjakovarë i bashkohen PDK-së

Me rastin e trembëdhjetëvjetorit të themelimit të degës së Partisë Demokratike të Kosovës në Gjakovë, këtij subjekti iu bashkangjitën edhe 600 qytetarë nga ky qytet.

Drejtuesit e PDK-së në këtë qytet thanë se tanimë gjakovarët kanë filluar të kuptojnë se PDK-ja është partia e cila mund ta ndryshojë gjendjen e vështirë që kanë në këtë qytet.

Me këtë rast, anëtari i PDK-së, Kadri Veseli deklaroi se Gjakova në të kaluarën i ka dhënë shumë Kosovës dhe roli i gjakovarëve, pasi që tetëdhjetë vite kanë qenë bartës të procesit të idealizmit shqiptar dhe sikurse atëherë edhe tash duhet të jenë pjesë e qeverisjes.

Ai tha se pas përmbylljes së procesit të pavarësisë së Kosovës, të udhëhequr nga PDK, tanimë në këtë parti po ndodh një proces, me qëllim që të jenë edhe më afër brengave të qytetarëve.

“Është një proces, një mision të cilin Partia Demokratike e Kosovës ia ka vënë vetes, posaçërisht pas këtij kongresi për transformime të mëdha ekonomike, politike, sociale, të cilat do të ndodhin në shtetin tonë. Janë transformime të cilat do të prekin qytetarin e Kosovës, do t’i rrisin shpresën për arsye se kjo është e ardhmja jonë, ky është vendi jonë, kjo është krenaria jonë”, ka thënë Veseli.

Ndërkaq, në emër të kryeministrit Thaçi, të pranishmit i përshëndeti ministri i Punëve të Jashtme, Enver Hoxhaj, i cili tha se Gjakova e lashtë, me kontributin e dhënë në periudha të ndryshme meriton më shumë.

“Ardhja e anëtarëve të rinj në Partinë Demokratike të Kosovës është dëshmia më e mirë se PDK është partia më e fuqishme në Prishtinë, Gjakovë dhe në të gjitha qytetet e Kosovës”, ka thënë ai.

Kurse, kryetari i degës së PDK-së në Gjakovë, Arben Rogova tha se përkundër asaj që ishin në opozitë, anëtarët e kësaj partie gjatë këtyre trembëdhjetë viteve u angazhuan shumë në përmirësimin e jetës së qytetarëve në këtë qytet.

“Sot jemi mbledhur këtu për të bërë edhe shpërndarjen e librezave për anëtarësinë e re, por në pamundësi për të shpërndarjen e 600 librezave të anëtarëve të rinj, sot do të bëjmë shpërndarjen simbolike të diku rreth 350 librezave”, ka thënë Rogova.

Sipas tij, këto aderime masive që po ndodhin në PDK, janë për shkak se tanimë gjakovarët kanë filluar ta kuptojnë se vetëm me këtë parti mund ta ndryshojnë gjendjen e rënd që po mbretëron në këtë qytet.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30