FR i LDK-së demanton deklaratat dezinformuese, ne jemi me Isën!

nga **Agim Gashi** Mon Dec 10, 2012 9:06 pm

FR i LDK-së demanton deklaratat dezinformuese, ne jemi me Isën!

Në adresat elektronike të medieve është lansuar një njoftim dezinformues që nuk ka të bëjë me aktivitetin e FR të LDK-së.
Përmes një deklarate të rinjtë e FR të Lidhjes Demokratike të Kosovës për hir të informimit të publikut bëjnë të qartë se FR i LDK-së nuk ka mbajtur parmbrëmë kurrfarë takimi në Prishtinë dhe nuk ka debatuar për gjoja “pasivizimin dhe margjinalizimin e LDK-së”.
“Ne të rinjtë e FR të LDK-së i demantojmë deklaratat e lansuara në atë komunikatë dezinformuese në të cilën thuhet gjoja se Forumi i Rinisë i LDK-se kundërshton udhëheqjen e Kryetarit Isa Mustafa. Këto deklarime nuk janë të vërteta dhe nuk janë dërguar nga strukturat e Forumit të Rinisë.
Ne të rinjtë e FR të Lidhjes Demokratike të Kosovës, të përfshirë nëpër të gjitha strukturat e Lidhjes Demokratike të Kosovës, degë dhe nëndegë, në gjithë tëritorin e Kosovës, shfaqim përkrahjen tonë të gjithëherëshme për Kryetarin e LDK-se, akademik Isa Mustafa dhe Kryesinë e Lidhjes Demokratike të Kosovës”, theksohet në deklaratë.
“Në komunikatën në fjalë, të ndërtuar mbi shpifje dhe të pavërteta është keqpërdorur edhe llogoja e Forumit të Rinisë, gjë të cilën ne e dënojmë rëndë, andaj i lusim dhe kërkojmë nga mediet që deklarata të tilla, ku përdoret llogoja e Forumit të dërguara nga individ jo kompetent dhe me qëllime dezinformuese, të mos publikohen pa u verifikuar paraprakisht.
Kërkojmë nga mediet që mos të bijnë pre e individëve me qëllim dezinformimin e publikut dhe e bëjmë të qartë se kompetencat për publikimin e qendrimeve te strukturave të Lidhjes Demokratike të Kosovës i ka Zyra për Informim e Lidhjes Demokratike të Kosovës, të autorizuara nga kryetari Armend Ibrahimi”, thuhet në fund të deklaratës.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30