Aktivistë nga strukturat e FRLDK-së kundërshtojnë udhëheqjen e Isa Mustafës

nga **Agim Gashi** Mon Dec 10, 2012 9:13 pm

Aktivistë nga strukturat e FRLDK-së kundërshtojnë udhëheqjen e Isa Mustafës

Në takimin e mbrëmshëm të aktivistëve të strukturave të degëve të FRLDK-së i cili u mbajt në Prishtinë dhe në të cilin morën pjesë dhjetëra aktivistë, u diskutua për zhvillimet dhe rrjedhat politike nëpër të cilat po kalon aktualisht LDK-ja.

Temat kryesore që u diskutuan në këtë takim ishin: pasivizimi dhe margjinalizimi i LDK-së në skenën politike të Kosovës, përjashtimi i qindra aktivistëve nga strukturat e LDK-së, e në veqanti përjashtimi i katër gjeneratave nga FRLDK, pas përmbylljes së procesit zgjedhor ne FR të LDK-së, me vendimin për uljen e moshës, shkatërrimi i degëve të rëndësishme të LDK-së dhe krijimi i degëve paralele, rezultatet e dobëta zgjedhore në të gjitha zgjedhjet ku ka garuar LDK qysh prej marrjes së kryesimit të saj nga Isa Mustafa, përjashtimi i anëtarëve të Këshillit të Përgjithshëm, gjuha ofenduese dhe denigruese ndaj aktivistëve të LDK-së që shprehin kritikat e tyre per gjendjen aktuale në LDK, luhatja e raporteve me miqtë tradicionalë të Kosovës dhe LDK-së në veqanti me SHBA-të dhe BE, raporte që me aq mund i ndertoi Presidenti Rugova dhe pasardhësi i tij Presidenti Sejdiu, mungesa e qëndrimit të qartë opozitar duke dhënë përshtypjen se LDK është në shërbim të politikave të gabueshme të Qeverisë Thaçi, thuhet në komuntesën e Forumit Rinor të LDK-së për medie.

Në këtë takim, gjithashtu u theksua se është e papranueshme edhe heshtja ndaj skandaleve të vazhdueshme të qeverise. Qëndrimet jo-konsekuente sa i përket procesit të bisedimeve me Sërbinë,sjellja e LDK-së në një pozicion të palakmueshëm poltik pas refuzimit që i bënë partitë tjera idesë ad-hoc të padiskutuar dhe të pastudiuar mirë për gjoja krijimin e bllokut të djathtë.

Duke i marrë parasysh të gjitha këto, ne veprimtarët e FRLDK-së, të shqetësuar për gjendjen e pakënaqshme të krijuar në LDK si pasojë e drejtpërdrejtë e qasjes dhe politikave të gabuara të udhëheqjes aktuale të LDK- së, ftojmë anëtarësinë e gjerë dhe veprimtarët e LDK-së që të mobilizohemi bashkërisht për të vepruar brenda strukturave të LDK-së për ndryshimin e kësaj gjendjeje në mënyrë që LDK të fuqizohet dhe të kthejë rolin e saj primar në jetën politike dhe institucionale, si domosdoshmëri në këto momente të rëndësishme nëpër të cilat po kalon Kosova.

Ftojmë në veçanti presidentin dr Fatmir Sejdiu që të marr një rol aktiv politik në LDK dhe të jap kontributin e tij si një udhëheqës me vizion dhe autoritet të dëshmuar dhe si identifikues i vlerave më të qëndrueshme të LDK-së në të gjitha periudhat dhe rrethanat nëpër të cilat ka kaluar LDK dhe Kosova.BS

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30