Zharku edhe njëherë kërkon shtyrje të dënimit

nga **Agim Gashi** Mon Dec 10, 2012 9:15 pm

Zharku edhe njëherë kërkon shtyrje të dënimit

Ish-kryetari i Kaçanikut, Xhabir Zharku, i dënuar me 3 vjet burgim për veprën penale të detyrimit dhe armëmbajtje pa leje, e ka dorëzuar në gjykatë kërkesën e katërt për shtyrje të ekzekutimit të dënimit. Kërkesën ai e ka dorëzuar pak minuta para se t'i skadonte shtyrja 1-mujore e dënimit. Më 10 nëntor atij i qe aprovuar kërkesa e tretë për shtyrje të dënimit me arsyetimin se nënën dhe një motër i ka të sëmura rëndë. "Në orën 15:15 ka arritur kërkesa e re e Xhabir Zharkut për shtyrje të dënimit", ka theksuar Ramadan Gudaçi, kryetar i Gjykatës Komunale të Kaçanikut, të hënën. Ai ka thënë se kërkesa e tij do të shqyrtohet të martën ose të mërkurën. Nga burime tjera merret vesh se Zharku e ka kërkuar edhe një shtyrje të dënimit me motivacionin se i duhet ta shoqërojë nënën në spital për t'u operuar. Dy kërkesat e para për shtyrje të dënimit Zharkut i qenë refuzuar. Kërkesën e parë ai e pati bërë me arsyetimin se i duhet kohë për ta realizuar një projekt biznesor, ndërsa në të dytën nga GJK-ja pati kërkuar shtyrjen e ekzekutimit të dënimit deri në marrjen e përgjigjes nga Gjykata Supreme e Kosovës lidhur me kërkesën e bërë asaj për mbrojtje të ligjshmërisë.
Sipas burimeve të tjera thuhet se është pikërisht arsyetimi i bërë në kërkesën e parë, biznesi që po e nxit atë të kërkojë shtyrje, por me qëllim të fshehjes së pasurisë së pafundme të krijuar në mënyrë të dyshimtë.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30