Bllaca: Urdhëruesit e vrasjeve ndaj LDK-së, në parlament

nga **Agim Gashi** Fri Dec 21, 2012 1:15 pm

Bllaca: Urdhëruesit e vrasjeve ndaj LDK-së, në parlament

Agjentët e SHIK-ut në Qeveri, në polici, në PTK

Të gjithë veprimtarët e LDK-së që janë vrarë pas luftës në mënyrë tinëzare janë vepra të PDK-së dhe të SHIK-ut. Këtë nuk mund ta mohojë asnjë prokuror me të cilët kam pasur takime tash e tri vjet”, pohon Nazim Bllaca, i cili pretendon se ka qenë ish-agjent i SHIK-ut.
Bllaca thekson se “ka agjentë të SHIK-ut që kanë marrë pjesë në vrasje të shumë figurave të LDK-së”, të cilët, sipas tij,“tash janë strehuar në institucione në Qeveri, në Polici, në Postë e në shumë vende të tjera”. Pasi ia rikujtojnë një deklaratë të tij ku thuhet se “urdhërdhënësit e krimeve po notojnë mbi gjakun e veprimtarëve të LDK-së”, Bllaca thotë se “vrasjet e veprimtarëve të LDK-së kanë qenë enigmë e heshtur” dhe se njerëzit hezitonin ta drejtonin gishtin, deri me daljen e tij në publik.
“Të gjithë veprimtarët e LDK-së që janë vrarë pas luftës në mënyrë tinëzare, janë vepra të PDK-së dhe SHIK-ut. Këtë nuk mund ta mohojë asnjë prokuror me të cilët kam pasur takime tash e tre vjet”. Sa i përket vrasjes së Xhemajl Mustafës, Bllaca thotë se ka dëgjuar për vrasjen e Xhemajl Mustafës. “Kuptohet që në atë kohë ka qenë krenari të dëgjosh nga ndonjë shok i skuadrës sime për një vrasje politike, mirëpo tash ndihem tepër i turpëruar se çfarë figurash u vranë nga dora e zezë e SHIK-ut, edhe pse unë nuk kam marrë pjesë në rastin e Xhemajl Mustafës”. Bllaca tha se “arrestimi i autorëve të vrasjes së Xhemajl Mustafës do të jetë tërmet 10 ballësh për një parti politike”, duke përsëritur se “në Parlament janë urdhërdhënësit që dhanë urdhra për të gjitha vrasjet politike në Kosovën e pasluftës. Edhe sot unë nuk lëviz nga pozicionet e mia të vitit 2009”.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30