Pakistani njeh pavarësinë e Kosovës

nga **Agim Gashi** Fri Dec 21, 2012 10:40 pm

Pakistani njeh pavarësinë e Kosovës

Gazetarë pakistanezë bëjnë me dije se ky shtet është pajtuar për njohjen zyrtare të shtetit të pavarur të Kosovës.

Informacionet jepen përmes rrjeteve sociale nga disa medie të afërta me autoritetet pakistaneze, dhe pritet që shumë shpejt njohja nga Pakistani të publikohet nga autoritetet e këtij vendi. Disa gazetarë nga Pakistani kanë shpërndarë këtë lajm si “breaking news”. në rrjete sociale.

Zyrtarë të Qeverisë së Kosovës janë takuar me autoritete të Pakistanit disa herë dhe kanë kërkuar njohjen nga ky shtet.

Gjatë pjesëmarrjes së ministrit të Jashtëm Enver Hoxhaj në takimin e Këshillit të Ministrave të Jashtëm të Organizatës së Bashkëpunimit Islamik, në Xhibuti, më 17 nëntor 2012, ministri Hoxhaj, ka zhvilluar edhe një takim të veçantë me ministren e Punëve të Jashtme të Pakistanit, Hina Rabbani Khar. Gjatë takimit, Hoxhaj kishte marr premtime konkrete për njohjen e Kosovës nga Pakistani, pati njoftuar MPJ e Kosovës.

Ministrja e Jashtme e Pakistanit, gjatë bisedës me ministrin Hoxhaj ka thënë se Pakistani do ta shqyrtojë kërkesën e Kosovës për njohje duke shprehur interesimin e shtetit të saj për thellim të bashkëpunimit. “Përtej bashkëpunimit politik, ne jemi të interesuar që të kemi bashkëpunim ekonomik dhe në të gjitha fushat tjera”, citohet të ketë thënë ministrja pakistaneze në atë takim.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30