Grabovci Mustafës: Haharroj simbolet, merru me ngrohjen në kryeqytet

nga **Agim Gashi** Mon Dec 24, 2012 11:41 am

Grabovci Mustafës: Haharroj simbolet, merru me ngrohjen në kryeqytet

Partia Demokratike e Kosovës e quan të pakuptueshme idenë e kryetarit të Lidhjes Demokratike të Kosovës (LDK), Isa Mustafa, për ndryshimin e simboleve shtetërore të Kosovës.
Përfaqësues të PDK-së, thonë se është e pabesueshme që në rrethanat në të cilat gjendet Kosova, të bëhen propozimet të tilla, nga partia e dytë me e fortë në vend, LDK-ja.
Shefi i Grupit Parlamentar të PDK-së, Adem Grabovci, ka thënë për mediat se me propozime të tilla, kryetari i LDK-së Isa Mustafa, është duke luajtur me ndjenjat e qytetarëve të Kosovës. Ai thotë se është e pakuptueshme që në rrethanat në të cilat ndodhet Kosova të bëhen propozime të tilla.
“Ne duhet të kemi parasysh që para se të merremi me këto ndryshime, duhet të merremi më zgjidhjen e problemeve me të cilat po përballet Kosova. Në këtë kohë, propozimi për ndryshimin e simboleve është lojë me ndjenjat e qytetarëve të Kosovës dhe me emocionet e tyre. Ne kemi shumë probleme të tjera me të cilat duhet të merremi dhe duhet t’i zgjidhim, para se të mendojmë për propozime të tilla”, ka thënë Grabovci.
Ai ka porositur kryetarin e LDK-së Isa Mustafa, që në vend të propozimeve të tilla, të merret me përmirësimin e ngrohtores në kryeqytet, në mënyrë që qytetarët mos të ngrihen në këto ditë të ftohta.
“Isa Mustafa është kryetar i kryeqytetit të Kosovës, që do të thotë se është pjesë e institucionet të vendit, në institucionin me të rëndësishme dhe qytetarët e kryeqendrës e dinë se me çfarë probleme janë duke u përballur. Nëse e marrim vetëm një element të thjesht që këto ditë i shqetëson qytetarët është mungesa e ngrohjes. Mustafa shumë me mirë kishte me qenë që të merret me rregullimin e ngrohtores dhe sigurimin e ngrohjes për kryeqendrën, sesa të merret me propozime dhe ide të tilla të cilat nuk i takojnë as atij, e as asnjë subjekti tjetër politik”, ka thënë Grabovci, duke shtuar se LDK-ja është me mirë të jetë pjesë vendimmarrëse e proceseve nëpër të cilat po kalon Kosova, sesa të merret me ide të parealizueshme.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30