Mentor Thaqi:REPORTAZH NGA PROMOVIMI NË TIRANË I LIBRIT "NJË SHEKULL DRITË", ME 24.11.2012

nga **Agim Gashi** Tue Dec 25, 2012 1:22 pm

Mentor Thaqi:REPORTAZH NGA PROMOVIMI NË TIRANË I LIBRIT "NJË SHEKULL DRITË", ME 24.11.2012

ME ZEMRËN NË VLIM DREJT ATDHEUT

Heret, shumë heret kishin filluar dëshirat e shumta të ktheheshin në brenga. Libri "NJË SHEKULL DRITË" të 100 poezive nga 100 poetët mërgimtar, pas një pune bukur të mundimshme dhe shpesh edhe me "mbetje" hatri, hidhërime e inatosje në premtuesit e ndihmës financiare, tashmë kishte hy në shtypshkronjë dhe së shpejti do të dilte në ato qindra ekzemplarë. Bukur shumë, mendonim e thonim ne nga LSHAKSH në Gjermani, së paku pa një nga brengat e mëdha. E vërtetë, por vetëm njëra brengë më pak. Tashmë dëshirat, siç e thashë po ktheheshin në brenga: A do të mund të shkojmë në Tiranë me 24 Nëntor në promovimin e librit? A do marrim pushimin e kërkuar nga vendpunimet? Si do të shkojmë, fluturimet gadi të pamundura, plus shum të shtrenjëta, koha e caktuar dhe jo e shumtë në dispozicion, kush po mund të shkon, kush dhe me kënd e cilat vetura, ...? Dhe, lehtësime të pjesërishme morëm disa nga ne (nga kryesia e LSHAKSH), morem konfirmim nga vendpunimet tona se na u pranua kërkesa për pushim një javor. Me gjithë shqetësimet dhe brengat e shumta, koha e nisjes erdhi, nisjen e bëmë nga drejtime dhe vende të ndryshme me synim në një pikëtakim, në Tiranë të Shtunën me 24 Nëntor para orës 17.00 kur do fillonte promovimi në sallen "Tefta Tashko-Koço" në ndërtesën e Ministrisë së Kulturës. Paraprakisht përmes Facebookut kisha bërë një "blic"-njoftim rreth këtij promovimi. rruga shkoi si shkoi, nga drejtime të ndryshme, grupi im me Hafiz Gagicen, Nezir Fejzen dhe unë si për befasinë tonë, pikëtakimin në vend të Tiranës e realizuam në Milot gjatë një pushimi kafeje, kur befas nga drejtimi i Kosovës erdhen poetët e dashur: Hasan Qyqalla, Dibran Demaku, Sadik Krasniqi dhe nipi i tij, surprizë mbresëlënëse!

Në Tiranë arritem rreth orës 16.00, një orë më heret. Në hyrje të Ministrisë së Kulturës më priti befasia e këndshme, nga artbërës dhe artdashës të njohur nga largësitë fizike, të njohur vizuelisht, po takoja motra e vëllëzër të dashur gjaku, shiheshim për herë të parë. Përqafimet e ngrohta vëllazërore xhiroheshin enkas nga TVSH, Emisioni 7x7 të drejtuar nga vet shefi i tij vëllau im Profesor Agron Bala, kishte ardhur nergut për të nderuar vëllëzërit krijues nga Mërgata! Eh, çfarë kënaqësie, njiheshim shkelqyeshëm edhe pa u parë kurrë fizikisht në afërsi.

Salla e bukur, atmosfera festive impozante, kënaqësia në fytyrat tona, bënë që mbrëmja të kalon bukur. Prania institucionale shtetërore e Kosovës ia shtoi edhe kuptimësinë institucionale me pjesëmarrjen e Ministrit të Diasporës z. Ibrahim Makolli dhe e zyrtarit të lartë të Ambasadës së Kosovës në Tiranë z. Esat Brajshori. Pas fjalës përshëndetëse të redaktorit të librit shkrimtarit Demir Gjergji, të botuesit z. Roland Lushi Drejtor i SHB "ADA", kryetarit të LSHAKSH në Gjermani z. Hasan Qyqalla, të një shkrimi jo të gjatë rreth librit nga ana e autorit të këtij reportazhi nga unë (Mentor Thaqi), një fjalimi përshëndetës nga Ministri Makolli dhe z. Hafiz Gagica (veprimtar i ditëve të para në mërgim, bashkpuntorë i ngushtë i Presidentit Rugova), mbrëmja vazhdoi me lexim vargjesh nga poetë pjesëmarrës (Dibran Demaku, Sadik Krasniqi, ...).

Kënaqësia ishte vërtetë e madhe, takoheshim mes veti vëllëzër gjaku, krijues nga të gjitha trojet etnike, fotografoheshim për shtatë palë qejfe. Eh, ishte vërtetë një Mbrëmje e bukur, u relaksuam shpirtërisht, mbushem bateritë tona shpirtërore, harruam lodhjen nga rreth 2000 kilometra udhëtim me makina.

Edhe kësaj here desha të i falënderoj vëllëzërit tanë në Atdhe për përgaditjen e mirë, por me sygjerimin e vëllaut tim Profesor Agron Bala se vëllau nuk ka nevojë të falënderohet, e ke vëlla, po e lë, por qëllimi im megjithatë po vetkuptohet, apo jo, Agron?!

Eh, këtë 100 vjetor e realizuam si ditëm e mundëm, për tjetrin do të shohim, shpresoj të kemi kohë më tepër si pensionistë të ardhshëm me afër dy shekuj mbi supe, nuk i dihet, apo jo?!

Mentor Thaqi VS., 25.12.2012

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30