Berisha në Kuvend: Shqiptarët do fshijnë nga faqja e dheut murin e bllokimit

nga **Agim Gashi** Thu Dec 27, 2012 10:56 pm

Berisha në Kuvend: Shqiptarët do fshijnë nga faqja e dheut murin e bllokimit

Kryeministri në seancën e fundit plenare për këtë vit

Ne seancën e fundit të kuvendit për vitin 2012 kryeministri Sali Berisha ka vlerësuar punën e madhe të tempullit të demokracisë sic e quajti ai parlamentin për votimin e reformave të mëdha historike gjatë këtij viti, si heqja e imunitetit për të gjithë zyrtartët, reformën zgjedhore, zgjedhjen e presidentit dhe dhjetëra votime e dekrete.
Por ne fjalën e tij shefi i qeverisë ka akuzuar kreun e PS-së Edi Rama për bllokimin e tre ligjeve të integrimit, duke përdorur si pretekst çështjen e Fierit.
“Ky bllokim nuk ka ndodhur kurrë në historinë e BE-së, kurrë një lider i një force politike nuk ka guxuar të ngrihet kundër interesave jetike të kombit të tij dhe të përdoë votën qytetare që kanë ëndërr integrimin të bllokojë procesin e integrimit”- tha Berisha.
Për disa muaj tha Berisha, Rama lidhi marrjen e statusit me zgjedhjet, por që sipas Berishës mori përgjigjen nga institucionet kryesore të BE-së në fillim të dhjetorit se statusi varet vetëm nga votimi i tre ligjeve, ndërsa hapja e negociatave lidhet me zgjedhjet .
“Zgjedhjet janë një proces themelor i demokracisë, por zgjedhjet e 2009 që përmbushën standardet e OSBE nuk lejuan që statusi të lidhet me to. Natyrisht hapja e negociatave është lidhur dhe do lidhet me zgjedhjet, por jo statusi. Lufta kundër krimit e korrupsionti kishin bërë të mundur që KE, institucioni kryesor që merr në shqyrtim në këtë proces, veprimtarinë e të gjitha ministrive në përputhje me detyra të caktuara konkludon se Shqipëria meriton statusin e vendit kandidat, duhet të votohen 3 ligje dhe jo se këto kanë vakumm, por si dëshmi që palët janë për procesin e integrimit”_ vijoi Berisha.
Kryeministri garantoi se shqiptarët do përdorin votën e tyre për të fshirë nga faqja e dheut atë mur bllokimi dhe të ecin të sigurtë drejt Evropës siç e meritojnë
Berisha akuzoi Ramën se përdor kreun e grupit Gramoz Ruçi sa herë i leverdis për të justifikuar bllokimin e votimit të tre ligjeve.
“Pasi paraqiti Fierin si pretekst tjetër që nuk ja përligji as edhe një njeri i vetëm fajëson Gramozin, i thotë të huajve se nuk më lejon Gramozi, e shumëzon 10 herë me 0 sa herë do Gramozin e të tjerët. Kur i leverdis i thotë se janë më të mirët për mua. Nuk i kam personale por i them të vërtetat sic janë. Pra ligjet bllokohen dhe mbahet muri, por demokracia ndaj është janë për tu mësuar, dhe për ta fshirë nga faqja e dheut atë mur për të ecur drejt Evropës sic e meritojnë”,- tha Berisha.
Duke iu referuar sërish festimeve të 100-vjetorit të Pavarësisë së Shqipërisë dhe idealit kombëtar, kryeministri Berisha kërkoi nga deputetët të votojnë rezolutën “Të bashkohemi me njëri-tjetrin të bashkohemi me Europën”.

“Ideali kombëtar është ideali suprem. Të bëjmë gjithçka të çojmë përpara këtë proces në kuadër të integrimit të vendit në Europë. Shqiptarët në 100-vjetor vërshuan nga të katër anët për tu krenuar, nga Alaska në Afrikën e Jugut për të festuar 100-vjetorin e Shqipërisë, 100-vjetorin e pavarësisë së këtij vendi pa të cilin s`mund të kishte asnjë zhvillim tjetër për shqiptarët kudo në botë. Është e domosdoshme që ky mesazh të lexohet dhe me guxim dhe Parlamenti të marrë një vendim historik për platformën “Të bashkohemi me njëri-tjetrin të bashkohemi me Europën” tha Berisha.

Ruçi i përgjigjet Berishës
Kreu i grupit parlamentar i PS-së Gramoz Ruci iu përgjigj akuzave të kryeministrit duke i kujtuar se kreu i opozitës i kërkoi të shkonin bashkë në Bruksel, por ai e refuzoi. Ndërkohë, numri 2 i opozitës e cilësoi zgjedhjen e presidentit Nishani arsyen e parë të refuzimit të statusit.

“E quani fitore zgjedhjen e presidentit, gabohesh. Këtu i dhe përgjigjen e parë dhe të fundit BE për mosmarrjen e statusit të vendit kandidat dhe opozitës gjatë procesit të konsultimeve ai që ti ke shumë qejf t’i zësh emrin në gojë, Edi Rama të propozoi tryezë bisedimesh që të zgjidhje presidentin, të bëjë reformë parlamentare dhe të dy bashkë të kërkonit statusin e vendit kandidat, por ti e refuzove, pra je ti shkaktari për mos marrjen e statusit të vendit kandidat. E quan fitore të madhe atë që Kuvendi ka vendosur për institucionet kushtetuese, kjo është humbja më e madhe, pasi i ke kapur të gjitha institucionet kushtetuese. Si rezultat i politikës së gabuar quan sukses të madh reformat, nëse do kishe bërë reforma, do e jepnin efektin dhe sot nuk do ishim në krize dhe nuk do e rrisnim borxhin si rezultat i mosbërjes së reformave nuk ke rritje ekonomike”, deklaroi Ruci.

>>Ruçi-Berishës: Je ti shkaktari për mosmarrjen e statusit

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30