Sevëme Fetiqi:ATDHEUT TË CILIT I MUNGOJNË POETËT I MUNGON BUKURIA

nga **Agim Gashi** Fri Dec 28, 2012 10:57 pm

Sevëme Fetiqi:ATDHEUT TË CILIT I MUNGOJNË POETËT I MUNGON BUKURIA

Akademi përkujtimore për poetin,gazetarin,luftëtarin dhe krijuesin Tahir Desku në Filden afër Fuldës- Gjermani

“Kombin e bëjne poetët” ,kjo është një thënje e shkrimtarit tonë Kombëtar, Lasgush Poradecit. Në këtë kontekst,shkrimtari Tahir Desku ,në një intervistë dhënë shkrimtarit Frrok Kristaj për gazetën “RILINDJA”të datës 20 janar 2001 tha:”Poezia është dhembje e bukur ...Atdheu ,të cilit i mungojnë poetët ,i mungon bukuria,ndërsa popullit të atij Atdheu i mungon dhembja”.Duhet të citohen këto thënje lapidare të njerëzve të letrave për të argumentuar se ndër ata që kanë bërë punë e mund për t´a bërë Kombin dhe Lirinë është edhe shkrimtari ynë Tahir Desku.

Në Filden afër Fuldës në Gjermani,në filim të këtij muaji,gjegjësisht më 8 dhjetor,nën patronatin e Z.Maxhun SMAJLIT,u mbajt Akademia përkujtimore ,kushtuar Tahir Deskut, poet,gazetar, luftëtar dhe krijues i madh, i cilin me 3 dhjetor te vitit 2005 ,te Kroi i Mbretit humbi jetën tragjikisht. Në sallën ku Z.Maxhun SMAJLI-gazetar,shkrimtar,veprimtar dhe luftëtar si dhe famija e tij ,i pritën mysafirët,mbretëronte një pamje festive përkujtimore,si dhe në binë ishte një foto e madhe e Tahirit të ndjerë e ngjitur në Foltore.Dukej se ai ishte gjallë në mesin e famijes së tij ,miqëve ,kolegëve dhe adhuruesve të tij dhe me vëmendje, por edhe me përkushtim dëgjonte çdo fjalë të thënë dhe çdo varg të recituar.

Duke i përshëndetur të pranishmit ,me fjalën e rastit Z.Maxhun Smajli e hapi këtë Akademi,i cili në mes tjerash theksoi se ai ,Tahirin e kishte shok të luftës,koleg dhe mik,dhe kjo Akademi përkujtimore nuk është e rastësishme,por është një pjesë e borxhit të tij ndaj një miku të madh që e kishte atë,kur gjatë Luftës ,as dita ,as nata,as armiku s´mundi t´i ndante.Z.Maxhun Smajli ishte i nderuar që në këtë Akademi mundi t´a përshëndes familjen e të ndjerit Tahir Deskut,pastaj mysafirët nga Kosova Z.Qani Mehmedin-gazetar,kolegun e Tahirit,si dhe Z.Nuhi Bytyqin,poashtu gazetar dhe Drejtor i TV Satelitor ne RTK, Kryetarin e LSHAKSH Z.Hasan Qyqalla ,si dhe shumë anëtarë të kësaj lidhjeje ,Shoqata të ndryshme shqiptare nga shumë vende të Gjermanisë, klubi “Bashkimi Kombëtar”në Ofenbah etj,si dhe miqtë e tij e dashamirët,që përkundër kohës së ftohtë me borë dhe ngricë që mbretëronte atë ditë,kishin gjetur kohë te vijnë, t´a respektojnë emrin dhe veprën krijuese të Tahir Deskut.

Pas Z.Maxhun Smajlit ,kujtimet dhe përjetimet i evokuan edhe shumë të tjerë ,në mesin e të cilëve ishte edhe shoku më i ngushtë i Tahir Deskut Z.Nezir Gashi,Kryetar i LDD për Bayern ,i cili me emocione foli për shokun e tij Tahirin me të cilin ishte shoqëruar qënga fëmijëria dhe që nga bankat shkollore. Humbja e tij ishte një humbje e madhe për të si shok i fëmijërisë, por edhe për Kombin dhe për Letërsinë shqiptare në përgjithësi.Ai evokoi kujtimet e tij për Tahirin,për floktë e tij të bardha,për një djalë simpatik plot humor,por edhe herë-herë i rebeluar për t´a thënë atë çka mendonte dhe ndjente.Pas tij, në foltore u paraqit vëllau i Tahirit ,Z.Isuf Desku.Ai i emocionuar, por edhe i befasuar me këtë Akademi kaq të organizuar,falënderoi Z.Maxhun Smajlin ,por edhe të gjithë dashamirët e Tahirit, të cilët me prezencën e tyre e madhështuan këtë pasdite,na e sollën shpirtin e Tahirit në mes nesh .Ishte krenar me vëllaun e tij ,me veprën dhe krijimtarinë e tij.Pas tij folën edhe Qani Mehmedi,Neki Bytyqi, Gjergj Muqaj-epror i lartë i Armatës Shqiptare,Xhafer Leci,Sebastian Nujiqi-Kryetar i Lidhjes Shqiptare në Botë,Shaip Ademaj ,përfaqsues i Klubit “Bashkimi Kombëtar” në Ofenbach si dhe shumë të tjerë të cilët evokuan shumë kujtime nga jeta dhe veprimtaria e tyre së bashku me Tahir Deskun si dhe u lexua biografia e jetës dhe veprës së të ndjerit.

Pas përfundimit të pjesës së parë ,u shtrua një drekë e pasur nga famija e Z.Maxhun Smajlit në shenjë respekti dhe mikpritjeje shqiptare tradicionale ku të gjithë mysafirët u shërbyen nga supa ,e deri te ëmbëlsirat që i kishte pregaditur i biri i vyer i Z.Maxhun Smajlit,një djalosh simpatik dhe inteligjent.Gjatë drekës dhe pas dreke mysafirët shfrytëzuan rastin të zhvillojnë biseda dhe njohtime miqesore si dhe të fotografohen për kujtim të kësaj Akademie.

Pjesën e dytë të kësaj Akademie e hapi Z.Hasan Qyqalla-Kryetar i LSHAKSH në fjalën e tij poetike për Tahir Deskun,ku në mes tjerash theksoi:”Edhe atëherë kur Toka jonë bymehej nga gjaku,këngëtari këndoi me lotë në sy,poeti vargënoi vargje gjakimi ,piktori harroi brushën në ngjyrë të kuqe,romansieri nxjerri dihamë për dramë,gazetari shkroi kronologji mbi gur për luftëtarin e idealeve të Lirisë.Po kush ishte pra Tahir Desku?Poet,gazetar,shkrimtar,lajmëtar ,luftëtar...apo dhe rastësisht me kujtohet një rilindas i apostrofuar për mua,një krijues e luftëtar i denjë i çështjes kombëtare,ai ishte Mihal Grameno!E them apostrofuar ,mbase pas krijimeve voluminoze letrare ,ai ngjesh armën,kur e kërkon Liria ,për Atdheun.I tillë ishte edhe Tahir Desku,që lapsin e përdori jo vetëm për krijimtari,por sikur parapregaditej pskologjikisht në letrat,vështrimet,vargjet e shkruara edhe për luftë,vetëm të realizohet ëndrra e kahmotshme dhe e shumëpritur e popullit tonë aqë të përvuajtur.Ai gërshetoi trimërisht frymën e artit dhe artin ushtarak.Dhe ,e gjejmë në arenën e trimërisë me notes në dorë e pushkë në krah...Gjersa Lidhja e Shkrimtarëve,Artistëve e Krijuesve Shqiptarë në Gjermani (një grup syresh)e morrën me vete në Tiranë,Vlorë,Çamëri,Prishtine,Tetovë,Luginë e Klinë,ndërsa bashkluftëtari,Marshmërgimtari,kolegu,bashkreportuesi,bashkidealisti,apo me konkretisht udhërëfyesi i betejave të përbashkëta ,Z.Magjun Smajli,e solli të freskët kujtimin në këtë Akademi Përkujtimore,-përfundoi Kryetari Z.Hasan Qyqalla.

Kjo Akademi do të ishte jo e plotësuar ,nëse s´ kishin pë tu lexuar poezi përkushtuese për poetin e madh .Poezitë e tyre kushtuar Tahir Deskut i lexuan disa nga anëtarët e LSHAKSH në Gjermani si :Muhamet Luma,Shaip Ademaj,Seveme Fetiqi,Neki Lulaj,Sadik Krasniqi e shumë të tjerë,si dhe nga Sevëme Fetiqi –zëdhënëse e LSHAKSH u lexua Vështrimi letrar i poetit dhe redaktorit ,Z.Demir Gjergjit për Antologjinë “NJË SHEKULL DRITË” të Hasan Qyqallës ,ku ai i mblodhi dhe i botoi poezi të e 100 poetëve të mbarëmërgatës shqiptare në tërë Botën.

Nga Z.Magjun Smajli ,me dhurata të bukura u nderuan disa nga mysafirët dhe aktivistët,si Z.Nuhi Bytyqi ,Z.Gjergj Muqaj ,etj.kurse me një orë dore u shpërblye nga LSHAKSH Z.Qani Mehmedi-gazetar.

Një atraksion shumë emocional ishte monologu kushtuar DËSHMORËVE të rënë për Lirinë që sot ne e gëzojmë,të interpretuar nga Z.Lulzim Bunjaku,i cili monolog shkaktoi emocione mallëngjyese te të gjithë të pranishmit ,e në veçanti shkaktoi lotë përmallimi e dhembjeje, në sytë e motrës së Tahir Deskut ,e cila ishte poashtu prezente.

Poezi të bukura të shkruara nga mësuesja e tij Z.Vahide Ibriqi,recitoi me plot emocion edhe nxënësi simpatik Auron Berisha.

Në vend të rezymesë, këtë shkrim e përfundoj me një poezi të mrekullueshme të Tahir Deskut,ku bindemi edhe njëherë se POETI KURRE NUK VDES.Edhe Tahir Desku s´ka vdekur.Ai është gjithmonë në mes vargjesh dhe në mesin tonë!

ME TE RENET

Sa do të kisha dashur
Të jem me ju sonte,
Me ju të mirët,me ju të mëdhenjtë
Të flisnim bashkë
Ç`ëndërr ish liria

Asgjë s`mbetet tjeter
Veç neve kënga
E juve lavdia

Netëve të zymta
Shpesh e ndal mendimin,pyes
Ku e ka burimin
Gjithë ky zjarr ky mall
Kjo dashuri
Në cilën këngë zogu
Në cilën pupël shpendi
Në cilën val deti
Ky frymëzim

Gjithënjë më bëhet
Sikur s`jam ndër të gjallët

Edhe për të vdekur
Nuk ka më kuptim

Sevëme Fetiqi:ATDHEUT TË CILIT I MUNGOJNË POETËT I MUNGON BUKURIA 262844_10200312513925333_1202893529_n

Sevëme Fetiqi:ATDHEUT TË CILIT I MUNGOJNË POETËT I MUNGON BUKURIA 262844_10200312513925333_1202893529_n

Sevëme Fetiqi:ATDHEUT TË CILIT I MUNGOJNË POETËT I MUNGON BUKURIA 314692_10200312524485597_2077671758_n

Sevëme Fetiqi:ATDHEUT TË CILIT I MUNGOJNË POETËT I MUNGON BUKURIA 10071_10200312536325893_1207990080_n

Sevëme Fetiqi:ATDHEUT TË CILIT I MUNGOJNË POETËT I MUNGON BUKURIA 154500_10200312541166014_1020839643_n

Sevëme Fetiqi:ATDHEUT TË CILIT I MUNGOJNË POETËT I MUNGON BUKURIA 188715_10200312549486222_385687397_n

Sevëme Fetiqi:ATDHEUT TË CILIT I MUNGOJNË POETËT I MUNGON BUKURIA 398668_10200312551366269_1601548083_n

Sevëme Fetiqi:ATDHEUT TË CILIT I MUNGOJNË POETËT I MUNGON BUKURIA 44998_10200312552846306_1735705400_n

Sevëme Fetiqi:ATDHEUT TË CILIT I MUNGOJNË POETËT I MUNGON BUKURIA 321181_10200312554286342_1391534370_n

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30