Filloi manifestimi ”Eksodi 99”

nga **Agim Gashi** Mon Apr 15, 2013 4:32 pm

Filloi manifestimi ”Eksodi 99”

Filloi sot Manifestimi i 14-vjetorit të ”Eksodit 99” nga Mitrovica, me nisjen e katërmbëdhjetë marshuesve të cilët simbolizojnë 14 vjetorin e manifestimit.
Fillimisht u vënë kurora në sheshin “Nëna Terezë” për Shipol, mbi varrezat e dëshmorve ndërkohë që rrugëtimi vazhdoi për në Prishtinë me vënien e kurorave në varrin e Presidentit te ndjerë Ibrahim Rugova.
Ekzoduesit do të vazhdojnë për Drenas dhe Prekaz për të vënë kurora në varrezat e Deshmorve në Drenas dhe mbi varrin e Komandantit Legjendar Adem Jashari.
Ndërsa , në oborrin e kishës së Zllakuqanit, do të mbahet ceremoni rasti në shenjë falenderimi për ndihmën që popullata e Zllakuqanit bashkë me Kishen Katolike Shqiptare, u kanë dhënë mijëra eksoduesve nga Mitrovica me rrethinë.
Më pastaj, eksoduesit vazhdojnë rrugën në drejtim të Pejës ku në ora 15:00, do të parakalojnë nëpër qendrën e qytetit, në shenjë përkujtimi të kalimit të tyre gjatë luftës në vitin 1999.
Eksoduesit vazhdojnë rrugën për Deqan, në drejtim të Gllogjanit ku në ora 16:30 vejnë kurorë në varrezat e dëshmorve dhe pastaj nisen në drejtim të Gjakovës. Në Gjakovë arrijnë në ora 18:00, ku do të priten nga udhëheqësit e Kuvendit të Komunes. Marshimi do të vazhdon në drejtim të qytetit të Rahovecit ku në ora 19.00 vëhet kuror në varrezat e Dëshmorve. Rreth ores 19:30 marshuesit arrijnë në fshatin mikëprites Xërxë, ku do të mbahet programi „ Mikëpritja Driniase“ me evokim kujtimesh gjatë eksodit ‘99 dhe ndihmës që popullata e Xërxës iu ka dhënë eksoduesve gjatë luftës. Ndërkaq, sot shënohet edhe 14 vjetori i Betejës së Zhegocit. Në ceremoni pritet të merr pjesë edhe kryeministri Hashim Thaçi, ndërkohë që do të bëhen homazhe në varrezat e dëshmorëve.
* * * *
Sot shënohet 14-vjetori i ”Eksodit 99”, kur forcat ushtarake, policore e paramilitare sërbe, dëbuan masovikisht nga trojat e tyre popullaten shqiptare nga mbarë Kosova, duke ushtruar dhunë çnjerzore mbi ta.
Manifestimi fillon nga Mitrovica dhe përfundon në mbrëmje në fshatin Xërxë të Rahovecit. Pjesëmarrësit do të bëjnë homazhe në varrezat e dëshmorëve në mbarë vendin tonë.

Mon	Tue	Wed	Thu	Fri	Sat	Sun
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30