Majko "mbron" praninë e Tadiç në Shkodër: Tradhtia nuk bëhet publikisht

nga **Agim Gashi** Thu Apr 25, 2013 4:19 pm

Majko "mbron" praninë e Tadiç në Shkodër: Tradhtia nuk bëhet publikisht

Ish- kryeministri Pandeli Majko ka replikuar në Facebook me disa komentues, që i kërkonin shpjegime për praninë e Boris Tadiç, ish- president serb, në konferencën rajonale të Partisë Socialiste Europiane, ku u nënshkrua marrëveshje PS-LSI.
Ai thotë se tradhtitë nuk bëhen në publik.
“Këto janë dëngla! Ke ngatërruar faqe për të gjetur ‘tradhtarë’! Çfarë ‘programi’ mund të na bashkojë ne socialistët shqiptarë me serbët!? Kushdo parti shqiptare dhe serbe, të majta apo të djathta, janë të qarta përballë njëra-tjetrës.
E kaluara, Kosova, Presheva, janë një realitet therës dhe çdo ‘program’ i majtë apo i djathtë nuk ka kuptim përballë tyre. Si duhet ta gjykoj çështjen e Preshevës, ‘të majtë’ apo ‘të djathtë’!?… Ajo që po ndodh sipas meje, është komunikimi dhe kaq! Ju jap të drejtë në shqetësimin tuaj, por tradhtitë e kaluara ndaj çështjes shqiptare nuk kanë qenë ‘të majta’ apo të ‘djathta’ si pikë takimesh ideologjike. Ishin thjesht tradhti dhe kaq! Dhe nuk parandiej asgjë siç thoni.
Nuk e takova, Tadiçin, por kjo nuk më bën patriot! Apo jo!?”, shkruan Majko.
Në një tjetër moment, duke folur edhe për marrëveshjen Serbi-Kosovë, Majko shprehet se: “Me serbët i bindem veç disiplinës së kombit tim”. Ai shprehet se Shqipëria dhe Kosova nuk ndahen, sepse sipas tij, “nuk ndahen ato që lindin bashkë”.

Mon	Tue	Wed	Thu	Fri	Sat	Sun
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30