Nga lajmet e mërgatës shqiptare-Imami shqiptar në Zvicër: rrihni fëmijët nëse nuk luten

nga **Agim Gashi** Tue Apr 30, 2013 6:49 pm

Imami shqiptar në Zvicër: rrihni fëmijët nëse nuk luten

Nga lajmet e mërgatës shqiptare

Nga lajmet e mërgatës shqiptare-Imami shqiptar në Zvicër: rrihni fëmijët nëse nuk luten 3_92

Një imam shqiptar këshillon prindërit të rrahin fëmijët e tyre nëse ata nuk luten. Imami i xhamisë El-Hidaje të lokalitetit Winkel në kantonin e St. Gallenit, Fehim Dragusha, shqiptar nga Kosova, si “mjet për edukimin e fëmijëve” sheh edhe rrahjen e tyre. Këtë këshillë ‘pedagogjike’ joortodokse, imami Dragusha e jep në faqen e internetit të xhamisë së tij, shkruan portali albinfo që i referohet gazetës zvicerane “Solothurner Zeitung”. “Studiuesit e islamit, organizatat për mbrojtjen e fëmijëve madje edhe vetë myslimanët janë të alarmuar: thëniet e shkruara në faqen e internetit të xhamisë dërgojnë një sinjal të gabuar”, shkruan gazeta. Imami 29 vjeçar Dragusha, në portalin e xhamisë shkruan gjithashtu: “Ju duhet t`u mësoni fëmijëve tuaj lutjet, kur të kenë mbushur 7 vjeç. Kur të mbushin 10 vjeç duhet që edhe t`i rrihni nëse kundërshtojnë”. Këto thënie sipas tij cituar nga profeti Muhamed, Dragusha i ka vënë në vend të dukshëm dhe me shkronja të theksuara. Gazeta zvicerane e konsideron si konservator imamin e xhamisë së St. Gallenit duke paraqitur në mbështetje të kësaj edhe faktin se ai është diplomuar në Universitetin islam të Sulltanatit të Bruneit, që konsiderohet ndër më konservatorët. Artikulli merret edhe me demonizimin që Fehim Dragusha u bën prindërve që lejojnë fëmijët e tyre të ndjekin mësime vallëzimi gjatë kohës së lirë. Sipas “Solothurner Zeitung”, deputeti i St. Gallenit, Lukas Reimann është shprehur “i tmerruar” me faktin se një xhami në kantonin e tij përhap një ideologji të tillë.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30