Adem Lushaj:Kolonel, Tahir Zemaj, është hero i Kosovës dhe emblemë e një strategu ushtarak

nga **Agim Gashi** Tue Apr 30, 2013 11:34 pm

Deklarimet dhe vlerësimet e Adem Demaqit, të cilat kishin të bënin me kolonel Tahir Zemaj, (vlerësime këto të dëshiruara të kenë qenë të afektit), kanë nxitur pakënaqësi dhe reagime, jo vetëm të familjes, por edhe të bashkëluftëtarëve të tij. Ata, këto deklarime të bëra nga “baca Adem”, konsiderohen si deklarime të një njeriu të moshuar dhe do mund të jenë të pakontrolluara nga mosha që ka.
Unë, personalisht s’kam pas fatin të njoh nga afër kolonelin Zemaj, siç e kanë njohur kolegët e tij, por, kam pas fatin që ta marr pjesë dhe të shkruaj, për çdo organizim të bërë, në shenjë rikujtimi të kolonel Tahirit, organizime këto të bëra nga bashkëluftëtarët e tij. Kam pas fatin e mirë që çdo herë të shkruaj, për organizimet e bëra, për të shënuar “Betejën e Loxhës”, e cila, pas “Betejës së Koshares”, konsiderohet beteja më e lavdishme e UCK-së. Po ashtu, kam pas fatin të njohë njerëzit më të afërt të kolonel Zemajt, dhe të marrë prononcime nga ata, siç janë: Ismet dhe Nuredin Ibishi, Fadil Hadërxhonaj, Shaban Dragaj, Nazif Ramabaja, Esat Ademaj, Skënder Rexhamhetaj dhe shumë e shumë të tjerë, të cilët vlerësojnë lart figurën e komandantit të tyre, kolonelit Tahir Zemaj. Me këtë rast, do përmend vetëm disa nga vlerësimet e bëra nga këta, që besoj do mjaftojnë edhe për bacën e nderuar, i cili respektohet shumë, për vitet e qëndrimit në burg....
Njëri ndër bashkëluftëtarët më të afërt të tij, Ismet Ibishi, shprehet se, “Tahiri ishte strateg, urtar dhe i përpiktë në vendimet e marra, për të cilën, s’ka fjalë që të përshkruan ish-komandantin e tij, për respektimin e hierarkisë institucionale dhe zbatimin e vendimeve të marra nga këto institucione”. Ndërkaq, Fadil Hadërxhonaj kishte deklaruar, “Ai(Tahiri) kishte përgatitjen psiko-fizike, profesionale, të përmasave të një oficeri të çmuar, që kishte çdo herë para vetës, doktrinën ushtarake të NATO-s, ishte i afërt me koleg, ushtar, por, edhe kishte vendosmërinë e një komandanti, në momentet e vendimmarrjes. Gjithnjë sipas tij, “Koloneli shumë herë konsultohej me koleg, por, në momentet e vendimmarrjes, ishte shumë i vendosur”.
Tahir Zemaj, ishte person që mbolli farën e tolerancës dhe dashurisë mes njerëzve, jo të vëlla vrasjes, që dallon nga të tjerët që donin të mbjellin urrejtjen vëllazërore, kishte treguar, Skënder Rexhahmetaj, duke kujtuar thënien e komandantit të tij, kolonelit Tahir Zemaj se: “Unë nuk kam plumba për shqiptarë dhe civilë”, çka më këtë, ka treguar profesionalizmin e lartë dhe parandalimin e luftës vëllavrasëse, por, dhe zbatimin e ligjeve të luftës sipas konventës ndërkombëtare.

Baca Adem, vlerësime të ngjashme për kolonel Tahir Zemaj, epen edhe nga kolegët e tjerë të tij, ushtarët e të brigadave 131, 133 dhe 134, të cilat ishin nën komandën e Kolonel Tahir Zemajt. Bashkëluftëtarët e kolonelit Zemaj, janë të indinjuar me këto deklarata të lëshuara, gjë që, janë edhe poshtëruese për ta, sepse, këta luftëtar të shquar ishin nën komandën e tij, për çka edhe ndjehen krenar që kanë pranuar edhe urdhra nga një komandant i tillë, me të gjitha virtytet që kishte.

Po ashtu, nuk duhet harruar faktin se oficeri i karrierës, koloneli Tahir Zemaj, ishte edhe këshilltar i presidentit tonë historik, (besoj edhe i juaj), Ibrahim Rugova, sikurse që është i shpallur edhe hero i Kosovës, nga institucionet e shtetit tonë.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30