Pikturat dhe poezitë e Dan Gashit të lidhura me përvojat personale dhe besim të thellë në artin njerëzor

nga **Agim Gashi** Thu May 23, 2013 11:46 pm

Pikturat dhe poezitë e Dan Gashit të lidhura me përvojat personale dhe besim të thellë në artin njerëzor

Dan Gashi
Në “Vitin e Gjermanisë në Rusi” edhe një piktor shqiptar nga Kosova

Në muzeun e shtetit në Moskë dhe në qendrën humane “Tejkalimi”, krahas piktorëve gjerman në një ekspozitë të përbashkët me ta ishte dhe piktori shqiptar Dan Gashi nga Gjakova, i cili mbi dyzet vite jeton në Gjermani. Krijuesit nga Gjermania, pjesë e së cilës ishte dhe Gashi janë prezentuar me piktura bashkëkohore, vizatim, skulpturë dhe fotografi. Siç kanë shkruar dhe mediat ruse, ekspozita ishte e dedikuar për “Vitin e Gjermanisë në Rusi”. Autorët e veprave të zhanreve të ndryshme, që të gjithë ndajnë një dëshirë për të mësuar në lidhje me botën dhe ndryshimet që ndodhin, gjithsecili nga përvojat e tyre të jetës.
Dikush lindur dhe rritur jashtë vendit në të cilin ata jetojnë sot. Dhe dikush i ka rrënjët e thella këtu.Por, përkundër problemeve që shfaqen në tokë, me të gjitha problemet e saja të paraqitura dhe në krijimtari ipet dhe mesazhi “një për të gjithë”.
Dhe artistët duan artin e tyre për të shprehur kuptimin e tyre të thellë të procesit të lëvizjes globale, të të kuptuarit të bukurisë, të së mirës dhe të së keqes, dhe harmoninë, siç e bëri me muzikën e tij Mozarti i madh. Ekspozuesit, anëtarët e Unionit të Artistëve të Baden-Baden të Gjermanisë, janë prezentuar si surealistë, abstraksionistë, ku subjektet e pikturave të tyre të magjepsin duke detyruar të ndjehen energjisë e jetës. Duke folur për secilin krijuar ndaras, për Dan Gashin si poet dhe artist shkruhet se jeton në Baden Baden, i lindur në vitin 1947 në Gjakovë, Kosovë. Jeton në Gjermani që nga viti 1969. Pikturat dhe poezitë e tija janë të lidhura me përvojat personale dhe besim të thellë në artin njerëzor,
marrëdhëniet, respektin për traditat historike të çdo kombi. Kjo ekspozitë në Moskë është mbyllur me 21 maj, të martën, ndërkohë që Dan Gashi për gazetën është shprehur se “ekspozita e përbashkët me zhanre të ndryshme arti është pritur jashtëzakonisht mirë, dhe unë si shqiptar jam ndjerë mjaft bukur pasi më është dhënë vlerësim jo vetëm për krijimtarinë por edhe për identitetin tim”. Gashi ka bërë të ditur se në Baden Baden e pret ekspozita e rradhës, kësaj here personale e cila do të hapet me 2 qershor deri në mbarim të muajit. Ekspozita zyrtarisht do të jetë e hapur me 2 deri me 31 qershor, në Olga-Haebler-Haus, der AWO,Rheinstrasse 170, 76532 Baden-Baden.
Kastriot Shehdadi

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30