Zvicer, shemben ballkonet, në mesin e tyre tri familje shqiptare

nga **Agim Gashi** Thu Jul 11, 2013 7:01 pm

Ballkoni i katit të fundit të një ndërtese në Rapeswil të St Gallentit në Zvicer, është shembur duke prishur në zinxhir të gjitha ballkonet e tjera të mëposhtme. Në të jetojnë tri familje shqiptare, 2 nga Kosova dhe një nga Ulqini.
Për fat të mirë nuk ka qëlluar askush prej banorëve në ballkon në kohën kur ka ndodhur shembja. Por janë trishtuar me dridhjen e shkaktuar duke menduar se po ndodh ndonjë tërmet. Anton Domgjoni, njëri prej banorëve kishte lajmëruar menjëherë policinë. Ngjarja kishte ndodhur të mërkurën rreth orës 18.
“E tërë familja është trishtuar me dridhjen që ka shkaktuar shembja e njëpasnjëshme e ballkoneve në anën tjetër të ndërtesës“, tha Antoni, i cili jeton qe 5 vite në këtë banesë.Ballkonet janë të bllokuara për shkaqe sigurie edhe në anën tjetër ndërsa banorët jetojnë ende aty.
"Banesa ime nuk është prekur fatmirësisht. Por tani unë jam i frikësuar se mund të na ndodhë edhe neve” , thotë Antoni.
Shumë banorë nuk kanë besuar se kjo mund të ndodhë edhe në Zvicër.
Ishte mrekulli që askush nuk kishte qenë duke shfrytëzuar në atë kohë ballkonet. "Askush nuk është lënduar", konfirmuan zyrtarët policorë të Kantonit të St Gallenit.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30