Lebibe Zogiani e Florie Lule Bajraktari:ZOTI E BEKOFTË KOSOVËN

nga **Agim Gashi** Tue Aug 13, 2013 2:07 pm

Portret i Dr. Rugoves punuar nga Florie Lule Bajraktari

Pikturë e Presidentit Dr.Ibrahim Rugova e bërë nga veprimtarja dhe artistja Florie Lule Bajraktari, e bashkë me poezin e Lebibe Zogianit kushtuar hyjnorit tonë Presidentit Rugova bëjnë një kompletim të mrekullueshëm!

LEBIBE ZOGIANI:ZOTI E BEKOFTË KOSOVËN

Ishe i heshtur kur të shanin, i heshtur kur të hidhëronin
Edhe kur të vranin heshte
Por armikun e bëre heshtje të përjetshme
Ia vrave fjalën vrasëse
Me trimërinë Ademiane
E dërguat në Hagë në vetëvrasje

Pate fuqin e fjalës, trimëroje një popull
Të ndëgjonim si zotin
Ia vrave heshtjen para një ushtrije aq të madhe
E pamundur të mundej, qesharake të luftohej
Kështu thuhej atëherë

E ti e shetisje nëpër botë Kosovën e lodhur
Shpresën e pamposhtur,
Me guximin e madh drejtë fitores e nise
Me pendë armikun e verbove, nuk e shihte më as vetëveten

E gëzojmë lirinë sot por edhe liria kërkon lindje trimash
Për t’ia zgjatur jetën atdheu thërret
Heshtjen dhe guximin tënd, bashkë me dashurinë e Ademit
Të pandarë i qëndruat besnik
”Zoti na e bekoftë Kosovën” e bekuat për ditë

Nuk mund t’iu ndaj kurrë as në vargje
O ushtarët e gjakut , ngjyrë e flamurit, krua shprese
Se trimat lindin trima, për shpëtimin e kombit
Na duhen çdo herë lindje, rreze drite
Për t’ia qëndisur buzëqeshjen flamurit, krenarinë atdheut

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30