NOL BERISHA:LOJA ME SHTATOREN E NËNËS TEREZE, NJË AKT JASHTË-INSTITUCIONAL QË DËSHMON GJUNJËZIMIN E PUSHTETIT AKTUAL PËRPARA KËRCËNIMEVE TË EKSTREMISTËVE

nga **Agim Gashi** Wed Aug 21, 2013 12:01 am

NOL BERISHA:LOJA ME SHTATOREN E NËNËS TEREZE, NJË AKT JASHTË-INSTITUCIONAL QË DËSHMON GJUNJËZIMIN E PUSHTETIT AKTUAL PËRPARA KËRCËNIMEVE TË EKSTREMISTËVE

Bashkësia e degëve të PSHDK-së në Klinë reagon ashpër ndaj një vendimi jasht-institucional të zhvendosjes së shtatores së Nënës Tereze nga sheshi në Klinë. Ky shesh, po ashtu, ka emrin e humanistes së madhe botërore "Nëna Tereze". Pushteti aktual komunal ka nisur një lojë të rrezikshme në prag të zgjedhjeve lokale, qoftë edhe me anë të lojës me përmendore e sheshe. Diheshin kërcënimet e para një dekade të individëve ekstremë se nuk qenka i lejueshëm ndërtimi i kësaj shtatoreje, që e përuroi presidenti historik Ibrahim Rugova dhe e financoi veprimtari nga diaspora, Elmi Berisha, si donator, i cili fare as që është konsultuar për këtë zhvendosje.

Vendimi për emërtimin e sheshit e të vendosjes së shtatores, ka qenë vendim i institucioneve të komunës së Klinës deri në nivel presidence. Nuk u janë dhënë sqarime qytetarëve se përse bëhet kjo zhvendosje. Se është një gjunjëzim, flet edhe fakti pikërisht i këtyre ditëve me pengimin e ngritjes së kësaj shtatoreje në Kastriot (Obiliq). Prandaj, ne e konsiderojmë këtë akt jashtinstitucional komunal si gjunjëzim përpara ekstremistëve radikalë që po shprehen në unison e egërsisht kundër kombit shqiptar e figurave të shquara të kombit tonë dhe po përpiqen që ta rrënojnë tolerancën shqiptare ndërfetare.

Nëse mendohet që një prift paska bërë kërkesë për zhvendosje, le të dihet: ajo nuk është kërkesë e qytetarëve dhe asnjë institucion fetar nuk ka monopol mbi interesin e kërkesat e qytetarëve. Dhe i lusim institucionet fetare, si përfaqësuesit e kishave katolike të komunës së Klinës, ashtu edhe krerët e xhamive të komunës së Klinës, që të mos përzihen në lojën e partive politike për sa i përket zgjedhjeve dhe votimeve, sepse këto ndërhyrje shkaktojnë konflikte, për të cilat nuk angazhohen institucionet fetare. Sigurisht që ato bashkëpunojnë me institucionet për të mirën e qytetarëve, por jo në dëm të tyre e pa i pyetur fare qytetarët.

Së këndejmi, këtë ndërhyrje të drejtpërdrejtë në zhvendosjen e shtatores, e konsiderojmë si veprim anti-qytetërues e antinjerëzor, që nxit konflikte, që përdhos tolerancën qytetare dhe si veprim anti-urbanistik e anti-institucional.

Nuk ka pasur ankesa nga qytetarët, se përmendorja e Nënës Tereze e pengon trafikun apo se e prish planin urbanistik. Kjo fushatë e re kundër Nënës Tereze, po shprehet edhe gjatë këtyre ditëve në Kastriot (Obiliq), ku ekstremistët fetarë nuk duan ndërtimin e shtatores së Nënës Tereze dhe e konsiderojmë si veprimtari të koordinuar të sulmeve kundër saj...

I lusim institucionet komunale dhe kreun e Kishës katolike "Zoja e Këshillit të Mirë" në Klinë që të mos luajnë me shtatoret, të mos luajnë me ndjesitë e qytetarëve, me tolerancën qytetare dhe me vendimet institucionale komunale e shtetërore.

Nol Berisha
Kryetar i BD-ve të PSHDK-së në Klinë

nga **Agim Gashi** Wed Aug 21, 2013 12:33 am

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30

NOL BERISHA:LOJA ME SHTATOREN E NËNËS TEREZE, NJË AKT JASHTË-INSTITUCIONAL QË DËSHMON GJUNJËZIMIN E PUSHTETIT AKTUAL PËRPARA KËRCËNIMEVE TË EKSTREMISTËVE

NOL BERISHA:LOJA ME SHTATOREN E NËNËS TEREZE, NJË AKT JASHTË-INSTITUCIONAL QË DËSHMON GJUNJËZIMIN E PUSHTETIT AKTUAL PËRPARA KËRCËNIMEVE TË EKSTREMISTËVE

Re: NOL BERISHA:LOJA ME SHTATOREN E NËNËS TEREZE, NJË AKT JASHTË-INSTITUCIONAL QË DËSHMON GJUNJËZIMIN E PUSHTETIT AKTUAL PËRPARA KËRCËNIMEVE TË EKSTREMISTËVE