Hamiti:Puç i pa precendent në Kuvendin e BIK-ut

nga **Agim Gashi** Thu Aug 22, 2013 9:23 am

Hamiti:Puç i pa precendent në Kuvendin e BIK-ut

Prishtinë, 21 gusht -

Kryetari i Kuvendit të BIK-së, Xhabir Hamiti, tani i shkarkuar nga posti, nëpërmjet një deklarate për shtyp ka thënë se të martën në kuvendin e BIK-së, është bërë një puç i pa precedent deri më tani, për faktin se nuk ka ndodhur asnjëherë që kryetari i Kuvendit, me procedurë ad-hoc, pa inicime paraprake juridike, pa konsultime të komisioneve disiplinore të kuvendit dhe atij administrativo juridik, të mblidhen nënshkrime dhe të shkarkohet kryetari i Kuvendit të BIK-së, organit më të lartë legjislative dhe rregullativ, e sidomos pas përfundimit dhe mbylljes së mbledhjes nga ana ime, si kryesues legjitim i saj. Mbështetja, sipas tyre, në një nen të Kushtetutës se kinse Xhabir Hamiti nuk e ka kryer detyrën zyrtare për çfarë është zgjedhur, konsiderojë se është hap tepër i ulët, ka deklaruar Hamiti.
Pse është dashur të kalojnë 4 vite e 8 muaj kohë, e vetëm tani dy muaj para shpalljes së zgjedhjeve qendrore, anëtarët të binden se unë si kryetar të kuvendit nuk e paskam kryer detyrën zyrtare për çfarë jam thirrur ?!
Jam plotësisht i vetëdijshëm se këtë nuk do ta bënin kurrë vetëm anëtarët e Kuvendit pa inicimin, shtytjen dhe trysnin e vazhdueshme që atyre i`a kanë bërë disa nga pjesëtarët e kryesisë së BIK-së së fundi, me qëllim të eliminimit tim nga vendimmarrja. Me atë që ka ndodhur dje është vërejtur edhe publikisht se kryesia e ndërrojë kahen e Kuvendit dhe nënvlerësoj legjitimitetin e tij, thuhet në vazhdim të deklarates së Hamitit.
Nuk është bërë hataja pse unë, sipas tyre, nuk do të jem më në krye të këtij institucioni, sepse edhe ashtu nuk jam pyetur dhe nuk jam konsultuar për asnjë vendim sado i vogël ose madhor qoftë që ka ndodhur në BIK, për gjithë këtë kohë sa edhe jam në këtë pozitë.

Pavarësisht kërcënimeve, shantazhimeve dhe lutjeve, nuk kam pranuar që të bëjë kompromise në dëm te institucionit dhe besimtarëve mysliman. Kam kërkuar që në të ardhmen të punojmë bashkërisht, në respektimin e kushtetutës aktuale deri në zgjedhje , dhe pas zgjedhjeve të reja të shohim e bëjmë, sepse të gjithë punonjësit janë të interesuar që puna e tyre në BIK të mbështetet në ligj dhe në rregulla të mirëfillta dhe transparente.

I sigurojë të gjithë punonjësit e BIK-së se unë legjitimisht jam ende kryetar i Kuvendit të BIK-së, deri në perfundimin e mandatin tim të rregullt, i cili përfundon më 18.10.2013. Çdo nënshkrim dhe çdo procedim i çfarëdo dokumenti zyrtar të Kuvendit, pa dijen time, deri në përfundimin e mandatit tim ligjor, është jo legjitim, ndërsa përgjegjësia do të bie mbi ata që marrin këtë guxim, përfundon deklaratën Hamiti.

Mon	Tue	Wed	Thu	Fri	Sat	Sun
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30