GANI AZEMI - Shenime biografike

nga **Agim Gashi** Sun Aug 25, 2013 12:16 pm

GANI AZEMI - Shenime biografike
______________________________
Gani AZEMI u lind me 30 korrik 1951 në Babush të Muhaxherëve, komuna e Lipjanit, Kosovë. Shkollen fillore e kreu në Gadime, ndërsa Normalen në Ferizaj. Ka Mbaruar Fakultetin Juridik në Universitetin e Prishtinës (drejtim gazetari-diplomaci).
Në Bruksel gjatë një viti ka perfeksionuar gjuhen frenge edhe pastaj ka studiuar dhe diplomuar në Akademinë Diplomatike Evropiane (ADE).
Ka marrë pjesë aktive në demonstratën e nëntori 1968 në Ferizaj, kurse për shkake politike, në vitin 1978 dezertoi nga armata jugosllave dhe u vendos në Belgjike, ku iu njoh statuti i refugjatit politik.
Ai, që në fillim të exilit u bë anëtar i Amnestisë Internacionale, Ligës Belge për të Drejtat e Njeriut dhe shumë organizatave kundër sistemit dhe hegjemonisë komuniste në botë.
Bashkëpunoi me shumë organizata shqiptare që vepronin në Evropë dhe SHBA.
Në vitin 1981, u zgjodh kryetar i Komitetit Kombëtar të Kosoves në Evropë.
Ndërsa në vitin 1983, u zgjodh anëtar i kryesisë së Komitetit për Mbrojten e të Drejtave të Njeriut në Kosovë, me seli në Bruksel.

Edhe në ekzil vazhdoi të mirret me gazetari e shkrime letrare dhe në vitin 1982 e botoi në Bruksel, librin e poezive STINA E ZGJUAR.
Eshte autori i librit "LETTRES A MON VOISIN SERBE" (Leter fqinjit tim serb) botuar në gjuhen frenge në vitin 2009 në Bruksel e në gjuhen italiane "LETTERE AL MIO VICINO SERBE" në vitin 2011 në Itali.

Poashtu , ështe botues dhe redaktor i revistes në gjuhen frenge LA REVUE DE KOSOVA (1989-90).
Ka bashkëpunuar me shtypin e huaj (LE SOIR, L'EXPRESS, LE NOUVEL OBSERVATEUR) duke botuar shkrime për shkeljen e të drejtave të shqiptarëve në Kosovë dhe në viset tjera të okupuara nga Jugosllavia.
Që nga viti 1993, ështe korespondent i gazetës Rilindja (botimi ne Zvicër) dhe pastaj në vazhdimësi i Qendres për Informim të Kosoves (QIK) akredituar në Komisioni Evropian në Bruksel.

Në perkrahje të Lëvizjes për Pajtimin e Gjaqeve në Kosovë, në vitin 1990 u zgjodh kryetar i shoqates kulturore shqiptare "Anton Cetta" në Bruksel.
Poashtu eshte anëtar i LDK-së qe nga viti 1990 dhe për disa mandate ka qenë sekretar, nënkryetar dhe nga viti 2002, kryetar i Degës së LDK-së për Beneluks dhe anëtar i Këshillit të Përgjithshëm të Lidhjes Demokratike të Kosovës.
Ka qene drejtues i ZYRES SE REPUBLIKES SE KOSOVES PER BENELUKS DHE BASHKIM EVROPIAN (1995-2000).
Ka qenë përfaqësuese në Bruksel i Preidentit të Kosovës Dr Ibrahim Rugova (2000-2006), dhe pastaj përfaqësuese në Bruksel i Presidentit të Kosovës Dr Fatmir Sejdiu (2006-2007).
Ka qenë Këshilltar në Ambasadën e Kosovës në Bruksel (2009-2012)

Gani AZEMI ka organizuar me qindera demonstrata, tubime dhe manifestime të ndryshme për nderkombëtarizimin e çeshtjes së Kosovës në kryeqytetin e Evropës në Bruksel dhe në metropolet tjera evropiane.
Në Bruksel, Paris, Bon, Londër, Strasburg, Gjeneve, Hagë, Luksemburg e gjetiu, ka marrë pjesë në kongrese, seminare, konferenca, debate radio televizive dhe ka dhenë shumë intervista e deklarata në mas-mediat kombëtare e ndërkombëtare në sherbim të SHTETIT TE PAVARUR DHE SOVRAN TE KOSOVES.

Poashtu, që nga korriku i vitit 1990, ka organizuar shumë vizita të delegacioneve të Kosovës në institucionet belge, në Parlamentin dhe Komisioninin Evropian, si dhe takimin historik të Presidentit Ibrahim Rutgova me z. Havier Solana, sekretar i përgjithshëm i NATO-s.
Me rastin e miratimit të shumë rezolutave të favorshme për Kosovën në Parlamentin Evropian, ka dhënë një kontribut të madh me një lobizim shumëvjeçar (1989-2007).

Gani AZEMI komunikoj në gjuhën frenge, angleze dhe serbo-kroate.

Ishte i martuar me zonjën Mejreme Azemi (gazetare në agjencinë kombëtare të belgjikes - BELGA - 1987-20011) dhe ka dy fëmije, Ardiani e Arbeni.

Gani AZEMI u nda nga jeta me 25 nëntor 2012.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30