Ramat: Homazhe të varri i Ibrahim Rugovës

nga **Agim Gashi** Fri Sep 13, 2013 7:56 pm

(E plotesuar)-Kryeministri i dekretuar i Shqipërisë, Edi Rama, në vizitën e tij në Kosovë ka bërë homazhe edhe të varri i presidentit të ndjerë të Kosovës, Ibrahim Rugova.
Me ketë vizitë, ai sikur ua ka mbyllur gojën atyre që e akuzuan se nuk e përmendi Rugovën gjatë fjalimit në Kuvend.
Ai nuk ka bërë komente lidhur me atë që ka ndodhur në Kuvend, por ka thënë se në këtë vend prehet njeriu pa të cilin Kosova e sotshme nuk do të ishte bërë realitet.
Rama: Prekazi, frymëzim dhe motiv për rilindje
Në kuadër të vizitës së tij të parë në Kosovës, si kryeministër I Shqipërisë, kryeministri i ri shqiptar, Edi Rama, i shoqëruar nga ambasadori i Shqipërisë në Kosovë, Islam Lauka dhe disa nga ministrat e tij, ka vizituar Prekazin.
Kryeministrin shqiptar nuk e shoqëronte askush nga Qeveria e Kosovës, ndërsa më të zbritur në Prekaz, kryeministri Rama është pritur nga Murat Jasharit, e pastaj bashkërisht kanë bërë homazhe te varri i komandantit legjendar të UÇK, Adem Jashari dhe të dëshmorëve të tjerë në kompleksin e varrezave dëshmorëve. Murat Jashari e njoftoi kryeministrin Edi Rama për luftën e lavdishme të Jasharëve, e cila ndryshoi historinë e popullit shqiptar të Kosovës.
Rama dhe shoqëruesit e tij, si dhe Murat Jashari, kanë qendruar pastaj për pak kohë edhe në ambijentet e kullës dhe të shtëpisë së pamposhtur, ndërsa më pas mysafirët e lartë nga Shqipëria janë pritur edhe në kullën e
asharëve, nga burrat e familjes emblematike.
Murati e ka falëndëruar kryeministrin Edi Rama për vizitën, ndërsa ky I fundit theksoi kontributin e papërseritshëm të familjes Jashari, në veçanti të ikonës së luftës së UÇK dhe të të gjithë dëshmorëve për çlirimin e Kosovës.
Ndërkaq, Murat Jashari, theksoi rëndësinë e vizitës së Edi Ramës në Prekaz dhe në familjen Jashari. “Ishte një vizitë e rëndësishme për mua personalisht dhe gjithë familjen, dhe është vazhdimësi që shteti shqiptar edhe në dekada të mëherëshme ka frymëzuar patriotët e kësaj pjese por edhe pas gjithë kësaj sakrifice që u bë, shteti shqiptar dhe udhëheqësit e atij vendi falënderojnë dhe respektojnë sakrificën e shqiptarëve të Kosovës që dhanë gjithçka nga vetja prë të arritur te liria.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30