Qeveria deri në qershor kërkon të gjitha kompetencat e EULEX-i

nga **Agim Gashi** Tue Sep 24, 2013 1:52 pm

Qeveria deri në qershor kërkon të gjitha kompetencat e EULEX-i

Prishtinë, 24 shtator - Me krimet e luftës, korrupsionin dhe krimin e organizuar misioni i EULEX-it do të merret vetëm deri në qershor të vitit të ardhshëm. Kjo pasi institucionet e Kosovës i kanë dorëzuar një dokument Komisionit parlamentar të legjislacionit, me të cilin kërkohet bartja e të gjitha kompetencave nga EULEX-i tek institucionet kosovare, transmeton KTV.

Qeveria është ngutur dhe ka vepruar papërgjegjshëm ndaj Bashkimit Evropian, konsideron kryetari i Komisionit të legjislacionit, Arben Gashi. Sipas tij, Qeveria do të duhej të konsultohej me BE-në dhe të ishte me specifike kur flet për shuarjen e EULEX-it. Për deputetin e PDK-së, Behar Selimi, dokumenti i Qeverisë nuk përbën ndonjë risi. Ai thekson se bëhet fjalë për një strategji të përditësuar, e cila ekziston tashmë tre vjet, që shpreh qëndrimin e institucioneve për marrje të të gjitha përgjegjësive në fushën e sundimit të ligjit. Ndërkohë deputeti i “Vetëvendosjes”, Glauk Konjufca, thotë se EULEX-it nuk do të duhej t’i jepeshin asnjëherë kompetenca ekzekutive. Dilema për këtë proces ka shfaqur edhe kryetari i Kuvendit, Jakup Krasniqi.

Misioni evropian për sundim ligji, EULEX, ishte vendosur në Kosovë më 2010, mirëpo shpeshherë ka qenë pre e akuzave të ndryshme nga institucionet e vendit.

Mon	Tue	Wed	Thu	Fri	Sat	Sun
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30