Agim Gashi:FUSHATES-Satirë e ëmbëlllllllllllll!

nga **Agim Gashi** Thu Oct 03, 2013 12:11 pm

Agim Gashi:FUSHATES-Satirë e ëmbëlllllllllllll!
(Kushtuar bukuroshës së zgjedhjeve)

Satirë e ambël

Moj fushatë, moj mizore
Shumë lider në qaf na i more,
Pse po vjen kaq shpesh n´kto troje
E po i nxjerr njerzit prej gzhoje.

Po i nxjerr po ua prish strofullen
Që e kanë nxe me fjalë e rrena,
Moj fushtë po pse ti erdhe
Dole n´fushë e sndeje brenda.

Moj Fushatë mori katile
Vjen në vapë e vjen n´acar,
Me shkoklue lider partie
Paske qenë ti pa karar.

Tanë nji popull e shkumullove
Edhe ethet ua ke shti,
Me “hygjym” shkepin libreza
Me “hygjym” me hy n´parti.

Moj Fushtë moj kalaveshe
Vjen n´Tiranë e në Prishtinë,
Ti liderve ua ke fut ethet
Si me u la dimrit n´pishinë.

Na i ke ngrit estradat n´këmbë
Me këngëtar e me këngëtare,
Këndojnë pley-bek edhe tallava
Tuj shpallë luftë këngës shqiptare.

Moj Fushatë po thellë ke hy
Deri brenda n´qeveri,
Se lë rehat Kryeministrin
Moj fushat mos ja nxjerr bishtin!

Na e ke marrë e rrokë për dore
Na ke qitë nëpër foltore,
Me mbajt fjalime e refaerate
Të vidhen votat e t´bëhen kate.

Po n´presidenc Fushat pse hyre
E me marrë ti Presidenten?
-Shuj se shumë po folë or djal
Se veq unë ua di dertin.

I kam qitë se janë mërdhezë
Për me i ru t´nxehta karriket,
Se kan dert a po humbë shteti
Apo populli t´varfrofet-fiket!

Moj Fushatë moj hithenike*
Pasha ty na bëre hor,
Na i le nxanësit pa msues
E studentët pa profesor.

Kan nisë gratë ikun nga burrat
Me marrë pjesë në këtë fushatë,
Ndersa burrat në anën tjetër
Su shkon mendja ku i kan´ gratë!

Moj Fushatë mori lavire
Je e keqe e je tradhtare,
Na i le shumë nuset´veja
Edhe xhapat të zbraz´t pa pare.

Hajt or´ djal ti dert mos ke
Kësaj radhe kush m´fiton mu,
Ka me u ngritë në politikë
Pasuni shumë me fitu.

Se kjo luftë për pushtet
Ashtë luftë me ba namin.
Për me hype n´kupol t´pushtetit
Ma kollaj me e vjedh vatanin.

Moj Fushatë moj kopilicë
Çka po lypë në Mitrovicë?
Ja bashkoje o mos shko fare
Me ba sherre me hargju pare!

N´Mitrovicë po shkoj me nore
Se jemi t´nemun prej perëndisë,
Mbushet vatani me çetnik
E kriminela prej Serbisë.

Moj fushat e je në mend
Pse ti shkove edhe n´kufi,
Pse e more token tonë
Dhe e gjuejte n´Maqedoni?!

E kam marrë se spata qare
Kështu thanë miqët e vjetër,
Jepjauni disa hektar
Se nuk keni rrugdalje tjetër!

Trashëgim e kem nga t´part
Tokat t´huejve me ua falë,
Ska ku t´shkon jo ma zi
Tash merr tokë dhe Malit i Zi!

Moj fushat mos e pafsh dritën
Ku ma le moj opozitën,
E kam n´grusht e smuj me e lëshu
Kundershtarët kam me i bashku!?

Hajt fushat ti qitja timin
Ku ma le moj Haradinin?
Tuj andrru u ba kapister
Për mu ba Kryeminister.

Kan nis t´bahen koalicione
Si n´Kosovë edhe Shqipni,
Deri dje anmiq të regjun
Tani flasin si vllazni.

Janë bashkue Daci e Ramushi
Edi Rama me Ilir Meten,
Qeshin n´foto e kamera
Tuj e vra-plagos t´vërteten.*

Po Bukoshin ku e ke?
E kam futë me nji fole,
Kjo Edita bukuroshe
Në brukse po qoshe-mqoshe!

Jagxhillari si rrufe
Në Erdoganin po ban be,
Tanë pakicat n´Prizeren
Jan bashkue po bajnë kuvend.

Kur është fjala te pakicat
Nuk jetë mbrapa as Radica,
N´Parallovë dhe n´Graçanicë
Kanë mbet shumë, nuk janë pakicë.

Diasporen fushat ku e ke?
Kan dalë jash nuk janë n´atdhe,
Jau kam shtu deg´t e idhnimit
Nuk janë n´listat´regjistrimit.

Tash fushat dom me u nda
Javën tjeter prap me u pa,
Me vazhdu të raportojmë
Shoqi-shojn´ si po e ofendojnë.

Se liderët n´politikë
Mirë këtij populli i kan hype,
Tuj mendu që kan hyp n´kali´
Kush po del n´gara i pari.

Hajmedet sot ban mileti
Bujaria nga ne treti,
Nuk ka fjalë e ska besë
Nuk ka pikë e nuk ka presë!!!
Agim Gashi:FUSHATES-Satirë e ëmbëlllllllllllll! 1374151_10151696308264077_1267226539_n

Agim Gashi:FUSHATES-Satirë e ëmbëlllllllllllll! 1374151_10151696308264077_1267226539_n

E shkruar 17.11.2008
E përpunuar sot më 03.10.2013 për festen Gjermane në
Düren
A.G.

Agim Gashi:FUSHATES-Satirë e ëmbëlllllllllllll! 1385774_10151696311119077_2006043729_n

Agim Gashi:FUSHATES-Satirë e ëmbëlllllllllllll! 1385774_10151696311119077_2006043729_n

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30