CIKËL POETIK NGA RINA KADRIU

nga **Agim Gashi** Wed Oct 16, 2013 11:42 pm

CIKËL POETIK NGA RINA KADRIU

MAGJIA E DASHURISË

Ndjej kënaqësi kur përjeton çaste të ëmbla dashurie
sikur të jeshë edhe tani pranë meje
në kraharorin tim
ndjehesh ngrohtë
mer frymë qetë
shkrihesh në përjetime
bëhesh njeriu më i lumtur në botë

Shpirti yt ndjehet këndshëm brenda meje
Brenda dejve të mi të shprushur
kjo është magjia e dashurisë
trupi yt valvitet mes dallgëve të ngrohta
shpirti yt noton ëmbëlsisht thellësive të dashurisë

Në mëngjesin e freskët pranveror
pret një pikë uji ta hedh dikush në rrënjë
ta shuan etjen e tij
t'i hap fletët këtij trëndafili të etur, gati të vyshkur

ujite me ujëlotim tim të lëshon aromë të këndshme
në qetësi e heshtje malli trazohet
dhe struket ëmbël në vendin ku gjen qetësi shpirti…

METAMORFOZE DHEMBJESH

Në këmishën tënde
Avullohen pika shiu

Copëza e shpirtit
Udhëton në hartën e zemrës

Dhembjet vizatohen
pa idilë

MOS KAFSHO MËKATIN

Nuk jam unë mëkati
Që kafshoj pemën fshehurazi

As graviteti nuk ka peshë
Mbi frutin e kafshuar

Mundem të kënaqem
Në Eden sonte, por jo me ty

Të gjitha stinët
Hije më bënë
As hënës mos i bëjë lajka
Nesër mud të ketë inat

KUJTIME TË GRISURA

Në dioptrinë e harrimit
Kujtimet i palosi heshtazi

Në peisazhet e murosura
Njolla trishtimi gërvishi

Vetëm edhe sonte
Grisi fletëbardhën fat
Në këndet e shpirtit të ngushtuar

Hyrjet janë të ndaluara
Prapa perdes pa neon
Vjeshtës s’ i besoj në horzontale

Çfarë kërkon nga unë
Kur aroma e tjetrës
Të duket ëmbëlsirë

MBI ÇERPIKUN TËND

Ëmbël të shijova mbrëmë
Mos më qorto, leje s’të mora
Me magjepse,të përkëdhelja
Më fal do vij, sërish do vij
Vetëm në gjumë
S’e ditët xheloze
Të fshehin nga unë

Do vij, të shuaj mallin
E lehtë si pupël
Do ulem mbi qerpikun tënd
Në ëndrra ëndërroje,
buzëqeshja ndriçoi si hënë?
Lëndinës lodroje, s’më shihje pranë
Unë me shpirtin tënd vallëzonim?!

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30