19 kryeministra evropiane, mbeshtetje Berishes

nga **Agim Gashi** Sat May 02, 2009 12:08 pm

19 kryeministra evropiane, mbeshtetje Berishes

Nga Koha Jone

VARSHAVE – Kryeministri Sali Berisha, mori dje mbeshtetje te forte nga 19 homologe te tij evropiane, te cilet i shprehen deshiren per te fituar nje mandat te dyte qeverises ne Shqiperi. Kreu i shtetit francez Sarkozi, kancelarja gjermane Merkel, kryeministri grek Karamanlis, ai suedez qe do te kete me 1 korrik presidencen e radhes se BE dhe shume te tjere, i shprehen homologut te tyre shqiptar mbeshtetje duke i bere te qarte se do te parapelqenin drejtimin e qeverise prej tij dhe ne kater vitet e ardhshme. Berisha sakaq, premtoi dje nga Varshava se ne Shqiperi do te zhvillohen zgjedhje te lira dhe korrekte, duke siguruar njekohesisht se ato do te fitohen nga mazhoranca aktuale.

Deklaratat e Berishes, u bene dje ne seancen e Kongresit te Partive Popullore Evropiane, ne Varshave te Polonise, ku kryeministri yne mbajti nje fjale para te pranishmeve, e cila u nderpre here pas here nga duartrokitjet. “Ne do t’i fitojme zgjedhjet, sepse shqiptaret jane njerez te mencur, ata e dine se te votosh majtas, do te thote te votosh per muret e krimit e korrupsionit”, - theksoi kryeministri qe drejton dhe Partine Demokratike, me e madhja e mazhorances aktuale.

Ne fjalen e tij, Berisha kujtoi faktin se ne vitin 2005 rierdhi ne pushtet, duke i pohuar te pranishmeve se ne rrugen e kryer, ka pasur ndihmen dhe mbeshtetjen e tyre. “Kater vite me pare, une rierdha ne pushtet. Kombi im, po perballej me disa mure shume te veshtira qe qendronin para tij, mure te cilat pothuajse po i mbyllnin dyert projektit te tij enderr, muri i krimit te organizuar, muri i korrupsionit”, u kthye ne kohe kryeministri me dy mandate Presidenti, njerin te lene ne mes pas trazirave te ’97-es, kur shteti kapitulloi. Berisha kujtoi faktin se i kishte premtuar shqiptareve, per lufte ndaj krimit duke shtuar se e kishte realizuar ate. “Muri i dyte ishte korrupsioni, u angazhova para qytetareve te mi se do ta luftoj, me zero tolerance. Shqiperia, qe ishte ne 24 vendet me te korruptuara, vitin e kaluar la mbrapa 95 vende dhe eshte duke u permiresuar”, - theksoi Berisha. Ai shtoi se “ne nxorem administraten publike jashte konfliktit te interesit”. Teksa evidentoi edhe se “nxorem nje ligj per te mbrojtur informantet kunder korrupsionit, njelloj si deshmitaret e krimeve te renda dhe i shperblejme ata me 6 % te vleres qe sjellin”.

Berisha foli gjate, mbi arritjet sipas tij te qeverise qe drejton dhe ne fund, foli per zgjedhjet: “Une bej ketu nje premtim solemn, per zgjedhje te lira dhe te ndershme”, tha Berisha, duke shtuar se “do ta mbaj kete premtim, me gjithe perkushtimin tim”. Kryeministri pranoi se shqiptaret kane nevoje te domosdoshme per zgjedhje te ndershme, “per te lene mbrapa grindjet per zgjedhjet”. Duke mbyllur fjalen, Berisha theksoi vendosmerine per “te pranuar dhe respektuar cdo verdikt te kombit tim”. Duke pohuar njekohesisht se “ne do t’i fitojme keto zgjedhje”. Sepse sipas Berishes, “shqiptaret jane njerez te mencur, ata e dine se te votosh majtas, do te thote te votosh per mure dhe ata nuk do te votojne per mure, do te votojne per horizonte, per horizonte qe shnderrohen ne realitet, horizonte qe me ndihmen tuaj, do te shnderrohen ne realitet perseri”.

Premtimi

Berisha tha se shqiptaret kane nevoje te domosdoshme per zgjedhje te ndershme, “per te lene mbrapa grindjet per zgjedhjet”. Duke mbyllur fjalen, ai theksoi vendosmerine per “te pranuar dhe respektuar cdo verdikt te kombit”.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30