Vulin të premten në Kosovë, nuk pret arrestim

nga **Agim Gashi** Wed Oct 30, 2013 3:06 pm

Vulin të premten në Kosovë, nuk pret arrestim

Beograd, 30 tetor – Ministri pa portofol në Qeverinë e Kosovës, i angazhuar për Kosovën, Aleksandar Vulin ka paralajmëruar se të premten, më 1 nëntor do të jetë në Kosovë bashkë me zëvendëskryeministrin e Serbisë, Aleksandar Vuçiq. Duke ia bërë këtë të ditur gazetës “V.Novosti” ai u shpreh se në Kosovë do t’u bëjë thirrje serbëve të dalin në numër sa më të madh në votime. “Nëse serbët nuk dalin në vendvotime më 3 nëntor, kryebashkiak i Mitrovicës do të bëhet shqiptari. Pres që vizita ime në Kosovë të kalojë pa probleme”, i tha Vulin kësaj gazete.

“Mitrovica mund të bëhet komunë në të cilën shqiptarët do të zgjedhin kryetarin konkretisht Adrijana Hoxhiqin. Nëse ndodh kjo s’kemi pse pyesim çfarë do të bëhet me Bashkësia e Komunave Serbe, me jetën në Kosovë, me shtetin i cili nuk do të mund ta financojë më jetën në këtë hapësirë”, ka deklaruar ai. Sipas tij, “nëse nuk ia dalim ta formojmë Bashkësinë e Komunave Serbe, nuk do të mund të bartim atje autorizimit tona kushtetuese, as të vazhdojmë të financojmë jetën në hapësirën e Kosovës”, tha Vulin. Ai megjithatë ka konfirmuar se Serbia do të vazhdojë financimin e strukturave serbe në Kosovë.

“Të gjitha format e deritashme të financimit do të vazhdojnë të papenguara... Vetëm serbët mund ta largojnë Serbinë nga Kosova, askush tjetër”, ka shtuar ai.

“Prishtina duket sheshazi se po i frikësohet formimit të Bashkësisë së Komunave Serbe dhe nga vendosja prej vetë serbëve të fatit të vet”, citon “Novosti Vulinin.

Për vizitën e kontestuar të tij në Kosovë, ai përgjigjet: “Nuk mund të ketë reciprocitet në mes të shtetit dhe të një territori. Ne nuk e njohim Kosovën dhe këtë qëndrim nuk e ndryshojmë. Por e respektojmë rregullin e përfaqësimit rajonal, të gjitha adetet e mira. Përfaqësuesit e institucioneve të përkohshme të Prishtinë – siç i quan Beogradi autoritetet zyrtare të Republikës së pavarur të Kosovës, kanë ardhur dhe asnjëherë nuk ka pasur kurrfarë problemi, që s’mund të thuhet për ne”, ka thënë Vulin.

Mon	Tue	Wed	Thu	Fri	Sat	Sun
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30