Hajdin Islami: Është përkujtuar në 10-Vjetorin e rënies heroike dëshmori Mr.inxh. Lutfi Musiqi

nga **Agim Gashi** Sat May 02, 2009 12:10 pm

Dëshmori i Kombit Lutfi Musiqi
Është përkujtuar në 10-Vjetorin e rënies heroike dëshmori Mr.inxh. Lutfi Musiqi

Nga Hajdin Islami

VUSHTRRI,30 PRILL 2009-Në Shtëpinë e Kulturës “Hasan Prishtina” në Vushtrri me një akademi përkujtimore të një niveli të lartë artistik si dhe organizativ është përkujtuar në 10-Vjetorin e rënies heroike dëshmori Mr.inxh.Lutfi Musiqi. Të pranishëm në këtë akademi kanë qenë personalitete të ndryshme të komunës së Vushtrrisë, profesor të Universitetit të Prishtinës,bashkëluftëtar të Lutfi Musiqit, miq dhe familjarë të dëshmorit. Kurse para të pranishmëve është shfaqur një performancë e aktorit Çun Lajqi, ndërsa këngëtari Shaban Krasniqi është prezantuar me një këngë kushtuar Lutfi Musiqit. Në fund të kësaj akademie janë vënë kurora lulesh para përmendores së dëshmorit Lutfi Musiqi pranë lokaleve të Shkollës së Mesme Teknike”Lutfi Musiqi” në Vushtrri. Për ta shikuar dhe dëgjuar këngën e Shaban Krasniqit, kushtuar Lutfi Musiqit ju lutem klikoni në këtë adresë: https://www.youtube.com/watch?v=7a22elVrEKc

nga **Agim Gashi** Tue May 12, 2009 3:34 pm

Nxënëset e Medresesë së Prishtinës, mbjellin fidane në kryeqytetin e Kosovës

PRISHTINË, 11 MAJ 2009-Një iniciativë që vlen për tu përshëndetur është ajo e nxënëseve femra të Medresesë së mesme “Alaudin” të Prishtinës ku në kuadër të aktiviteteve të lira të kësaj Medreseje javën e kaluar në lagjen “Dardania” këto nxënëse i kanë dalë në ndihmë me gjelbërimin e hapësirave publike dhe mbjelljen e drunjve dekorativ Ndërmarrjes komunale “Hortikultura” në Prishtinë. Sipas Drejtorit të Medresesë së mesme “Alaudin” në Prishtinë, Bahri Simnica, kjo iniciativë për gjelbërimin e hapësirave publike në kryeqytet ka ardhur nga nxënëset dhe profesoresha e biologjisë Azemine Kukaj. Duke parë këto nxënëse në një aktivitet të tillë qytetarët e Prishtinës e kanë përshëndetur këtë aktivitet. Hajdin ISLAMI

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30