E vërteta e telefonatës së fundit të Olldashit sipas ekspertizës

nga **Agim Gashi** Sat Nov 23, 2013 1:50 pm

E vërteta e telefonatës së fundit të Olldashit sipas ekspertizës

Paqartësia ka të bëjë me faktin se ata lenë të kuptohet se Olldashi e ka marrë në telefon shoferin e tij vetëm pak sekonda pas aksidentit duke i thënë se është “keq”Teza se Olldashi ka qenë gjallë pas aksidentit bie poshtë nga ekspertiza mjeko-ligjore, e cila ka sqaruar se dëmtimet e Olldashit kanë qenë mjaft të rënda në pjesën e kokës. Ata nuk lënë asnjë mundësi që Olldashi të ketë mundur të bëjë telefonatë në atë gjendje. Sipas tyre Olldashit i ishte çarë në aksident një pjesë e kafkës. Që të mund të flasësh në telefon në këto kushte është vërtet jashtë çdo hamendësimi.

E vërteta lidhet me një tipar që Olldashi e ka pasur gjithmonë kur drejtonte automjetin e tij. Kjo lidhet me komunikimin e vazhdueshëm në telefon teksa ngiste automjetin. Në udhëtimin e tij të fundit, Olldashi ka qenë duke bërë pikërisht këtë. Ai ka qenë duke komunikuar më shoferin e tij në telefon. Në momentin kur ka tentuar të marrë kthesën në zonën e quajtur Lapidari në Krrabë, ai ka qenë duke komunikuar në telefon dhe në këtë moment është dëgjuar nga goja e Olldashit në drejtim të mikut të tij fjala, “u përplasa keq”. Më pas personi që ka qenë duke komunikuar me Olldashin ka dëgjuar edhe zhurmën që ka shkaktuar rrokullisja e automjetit që më pas ka rezultuar fatale duke i marrë edhe jetën.

Olldashi ka qenë mjaft i apasionuar pas drejtimit të automjetit dhe shpesh kishte dëshirë të fliste edhe për shpejtësitë që arrinte në rrugë të ndryshme. Duke u ndjerë shumë i sigurtë në drejtim, ai edhe bëhej i shkujdesur, ku nga njëra anë shpejtësia ishte në limitetet e saj, në anën tjetër ai përdorte telefonin duke telefonuar dhe madje edhe duke shkruar edhe mesazhe. Kjo pakujdesi ka shkaktuar edhe aksidentin fatal që i mori atij jetën

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30