Shefqet Krasniqi: Mos më shtini me e thirrë ezanin midis Parlamentit (VIDEO)

nga **Agim Gashi** Fri Nov 29, 2013 2:01 pm

Para më shumë se disa javëve Ministria e Mjedisit dhe Planifikimit Hapësinor i paraqiti Qeverisë së Kosovës, projektligjin kundër zhurmës. Ai projektligj u miratua në mbledhjen e qeverisë pa asnjë votë kundër.
Me projektligjin për mbrojtjen nga zhurma, të miratuar nga Qeveria ditë më parë, pos trafikut rrugor, hekurudhor dhe ajror, që llogariten si burime të zhurmës, aty përfshihen edhe pajisjet akustike të objekteve fetare.
Kambanat e kishave, por edhe thirrjet për namaz të xhamive, sipas këtij projektligji, duhet të nivelohen deri në atë masë që të mos pengojnë qytetarët, ka theksuar Gëzime Hasani nga Ministria e Mjedisit dhe e Planifikimit Hapësinor, informon Almakos.
Të prekur nga ky projektligj, zyrtarë të Bashkësisë Islame të Kosovës kanë deklaruar se thirrjet fetare nuk mund të konsiderohen zhurma, por do të jenë bashkëpunues me organet përgjegjëse. Nga ana tjetër, Don Shan Zefi, nga Kisha Katolike, ka deklaruar se do të pranojnë minimizimin, por në asnjë mënyrë eliminimin e kambanave, që është traditë mijëvjeçare.
Por, ndryshe mendon hoxhë Shefqet Krasniqi. Sapo një projektligj i tillë është miratuar në qeverinë kosovare, në opinion ka nisur të qarkullojë një video ku Shefqet Krasniqi shpreh qëndrimet e tij hapur kundër uljes së zërit të ezanit, duke thënë ndër të tjera që mos ta detyrojnë edhe ai të bëhet deputet në Parlament e ta thirrë ezanin aty brenda.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30