Rexhep Elezaj:KUR HUMBËSI PROMOVOHET NË FITUES..?!

nga **Agim Gashi** Fri Dec 20, 2013 7:12 pm

Autori i këtij shkrimi me presidentin Ibrahim Rugova, Velani, Gusht 2000

KUR HUMBËSI PROMOVOHET NË FITUES..?!

Shkruan: Rexhep Elezaj

Lirisht mund të thuhet se pas shumë viteve tek shumica e popullatës në Kosovë është rikthyer fryma burimore e LDK-së së bashku me filozofinë politike të udhëheqësit të saj karizmatik, Dr. Ibrahim Rugovës. Dhe kjo kthesë u vërejt në mënyrë të qartë gjatë fushatës së fundit zgjedhore në nivel komunal. Ngase, LDK-ja pikërisht në ato komuna ku pas vitit tragjikomik 2006 kishte pësuar humbje të thella zgjedhore, siç ishte Gjilani, Peja, Ferizaji, Lipjani, Vitia,Suhareka etj, në zgjedhjet e 3 nëntorit ajo do i fitoi votat po në këto komuna falë elektoratit të saj tradicional..!
Kurse, befasia më e madhe ishte pa dyshim humbja e LDK-së në Prishtinë, ku, me gjithë prezencën e fortë që ajo e ka pasur në këtë qytet, pësoi humbje të thellë, për shkaqet e të cilës do duhej të ishte bërë një analizë brenda partisë, siç do të vepronte çdo subjekt partiak në raste të këtilla. Pra, kjo analizë është dashur të bëhet duke u nisur pikërisht mbi normat statusore si dhe programi i saj partiak, gjë e cila është pritur edhe nga elektorati, por që ende nuk kandodhur, së paku më qëllim që të bëhej një rekapitullim i gjithë asaj që ka çuar në humbjen e Prishtinës, e që sipas disa analistëve sjellja komode dhe arroganca politike e kreut të LDK-së, se ai nuk i frikësohej konkurrencës politike të çfarëdo nivelit qoftë ajo, ka qenë ndër shkaktarët kryesorë të saj, etj..!?

Elektorati i mrekullueshëm rugovian në Gjilan gjatë fushatës zgjedhore..

Nisur po ashtu nga disa postulate politike që kanë ndikuar në humbjen e Prishtinës, bastionit kryesorë të LDK-së deri më 1 dhjetor, natyrisht se shtrohet edhe dilema; pse kryesia aktuale e LDK-së nuk e ka shtruar deri më tash në mënyrë transparente se cilat kanë qenë shkaqet që ndikuan në humbjen e elektoratit në kryeqytetin e Kosovës, pse kandidati i saj për kryetar të komunës, që njëherë është edhe kryetar i partisë, nuk dha asnjë arsyetim para elektoratit për humbjen e tij, së paku si një ndjenjë e përgjegjësisë së tij morale, por kryesia doli më deklarata bllokuese dhe përjashtuese, se ata që po kërkojnë përgjegjësi nga ai, gjoja na qenkan dëmtues, destabilizues dhe shkatërrues të LDK-së ?!
Madje-madje, pas humbjes së Prishtinës dhe rikthimit të fitores në shumë komuna të mëdha, kryesia e LDK-së patjetër është dashur që ta nisë debatin brenda-partiak për ta konsoliduar më tej frymën dhe filozofinë politike të LDK-së, e ndërtuar në krye më presidentin Rugova derisa ai ishte në krye të saj.

Rexhep Elezaj:KUR HUMBËSI PROMOVOHET NË FITUES..?! 1524951_681889888523079_485099999_n

Rexhep Elezaj:KUR HUMBËSI PROMOVOHET NË FITUES..?! 1524951_681889888523079_485099999_n

Elektorati rugovian në Pejë, ishte dhe mbetet shtylla më e fortë e LDK-së në Dugagjin...

Pra, në vend se të thirreshin strukturat e partisë, siç është KP i LDK-së, të gjitha kryesitë e degëve bashkë me delegatët e tyre dhe ta promovonin fitoren e saj në shumë komuna, p. sh. pikërisht aty në Gjilanin legjendarë, kryesia vazhdoi me mbajtjen e mbledhjeve të mbyllura, duke dhënë deklarata vetë lavdëruese, duke e promovuar në fitues si dhe duke e mbrojtur humbësin e këtyre zgjedhjeve. Mënyra e sjelljes më neglizhenzë ndaj një procesi kaq të rëndësishëm zgjedhor, nuk garanton si dhe nuk mund të sjellë demokratizim të brendshëm partiak, por as forcim dhe reformë të brendshme, si parakusht që në zgjedhjet e ardhshme parlamentare LDK-ja të shënojë fitore në një konkurrencë politike e cila pritet të jetë jo edhe aq e lehtë. Kështu që, ne mendojmë se debatet e brendshme dhe marrja e përgjegjësive, por edhe e meritave, janë bazë themelore për t’i hapur rrugë brezit rugovian si dhe rinisë së saj, e cila është rritur dhe kalitur në frymën e politikës dhe idealeve kombëtare të cilat na i ka lënë në trashëgim presidenti ynë historik Dr. Ibrahim Rugova.
Përfund, dhe jo përfundimisht, e themi me bindje të plotë, se promovimi i humbësit në fitues dhe në kontribuues kryesorë për rritjen e numrit të elektoratit që po e bëjnë disa grupe të interesit brenda LDK-së, thënë më së buti, është një metodë makiaveliste që asgjë të përbashkët nuk ka më parimet dhe normat e demokracive të mirëfillta perëndimore. Përkundrazi, është antipodi më i keq i saj, që LDK-ja rugoviane si partia e parë pluraliste dhe gjithë popullore në Ballkan pas rënies së Murit të Berlinit, nuk guxon të bie në një pozitë të tillë..!

Elektorati i mrekullueshëm rugovian në Gjilan gjatë fushatës zgjedhore..

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30