Rabie Bala:LDK-LDD përplasen rreth trashëgimisë së presidentit të ndjerë

nga **Agim Gashi** Sun May 03, 2009 9:26 pm

LDK-LDD përplasen rreth trashëgimisë së presidentit të ndjerë

Emri i Rugovës, familjarët e presidentit rrinë anash
Familja e presidentit Rugova ka qëndruar anash zhvillimeve politike dhe partiake gjatë këtyre tre vjetëve dhe nuk janë lëshuar as në komentet LDK-LDD e as në prononcime rreth asaj se dikush mund ta përdorë foton e tij në fushatë ose jo, sepse e ulin nivelin dhe hyjnë në ujëra politike”, ka thënë për “Kosova Sot” Naser Rugova, në emër të familjarëve të familjes Rugova 3 Maj, 2009

Rabie Bala:LDK-LDD përplasen rreth trashëgimisë së presidentit të ndjerë U2_Presidenti_i_kosoves-Ibrahim_Rugova

Rabie Bala:LDK-LDD përplasen rreth trashëgimisë së presidentit të ndjerë U2_Presidenti_i_kosoves-Ibrahim_Rugova

Derisa kohë më parë familjarë të presidentit të ndjerë të Kosovës, Ibrahim Rugova, patën kërkuar nga Lidhja Demokratike e Kosovës (LDK) dhe Lidhja Demokratike e Dardanisë (LDD) të mos e lakojnë më emrin e Rugovës vend e pa vend dhe të mos thirren më në filozofinë e tij, zyrtarë të LDK-së dhe LDD-së thonë se nuk kanë informacione lidhur me këtë kërkesë dhe besojnë që ky të mos jetë qëndrim i familjes Rugova. Familjarët e familjes Rugova janë shprehur për “Kosova Sot” se duan të rrinë anash lidhur me këto zhvillime që po bëhen në emër të Rugovës.“Vërtet familja e presidentit ka qëndruar anash zhvillimeve politike dhe partiake gjatë këtyre tre vjetëve dhe nuk janë lëshuar as në komentet LDK-LDD e as në prononcime rreth asaj se dikush mund ta përdorë foton e tij në fushatë ose jo, sepse e ulin nivelin dhe hyjnë në ujëra politike. Nuk reaguan as kur u hoq fotoja nga Kuvendi para shpalljes së pavarësisë dhe ka qenë qëndrim i drejtë. Çdo prononcim i tyre hap polemika dhe e degradon këtë çështje, tani edhe AAK-ja po thirret nga pak në ato vlera”, ka thënë për “Kosova Sot” Naser Rugova, në emër të familjarëve të familjes Rugova, duke shtuar se familjarët nuk dëshirojnë që të prononcohen për këto arsye.

LDK-ja: Personaliteti i Rugovës, vlerë e
jashtëzakonshme

Por, kohë më parë, Enver Rugova, djali i axhës së presidentit të ndjerë Ibrahim Rugova, pat deklaruar për media që asnjë parti politike nuk duhet të lidhet për një personalitet siç ishte dr. Rugova. Ajo që e ka shtyrë ta japë këtë deklaratë është përdorimi i fotografisë së dr. Ibrahim Rugovës nëpër fushatë, duke u thirrur në filozofinë politike të Rugovës. Zëdhënësi i LDK-së, Vehbi Miftari, ka thënë për “Kosova Sot” se nuk ka informacion lidhur me këtë kërkesë dhe nuk beson se është ky qëndrim i familjes, për shkak se personaliteti i Rugovës është vlerë e jashtëzakonshme në kuptimin e përfaqësimin e tij politik. Ai thotë se Rugova, si udhëheqës shumëvjeçar i LDK-së dhe i Kosovës, do të mbetet pjesë e trashëgimisë sonë politike të Kosovës dhe institucion i trashëgimisë nacionale. Megjithatë, Miftari thotë se nuk beson që mospërdorimi i emrit të Rugovës të jetë qëndrim i familjes Rugova.

“Nuk besoj se ky qëndrim është i familjes Rugova, sepse po të ishte do ta shprehnin ata vetë. Mund të jetë ndonjë dashamir që nuk donë të keqpërdoret emri i tij. Ne i mbrojmë vlerat tona nacionale politike e trashëgimtare dhe Rugova bën pjesë në të”, ka thënë Miftari.

LDD-ja: Rugova, vend të merituar në histori

Besa Gaxherri nga Lidhja Demokratike e Dardanisë (LDD) thotë se nuk ka dëgjuar për kërkesën e familjes Rugova që të mos lakohet më emri i dr. Rugovës nga LDK-ja dhe LDD-ja. “T’u them të vërtetën unë tani po dëgjoj nga ju se familja Rugova ka bërë një kërkesë të tillë. Por, nëse paska bërë një kërkesë të tillë vërtet është shumë interesante. Në një aspekt unë mendoj se partitë politike është dashur të jenë në atë nivel të etikës morale dhe politike që personaliteti i presidentit Rugova të respektohet jashtë fushate, ndërsa të kursehet gjatë fushatës, por realisht unë prapë kam mendimin tim parimor që ky personalitet është i tërë shqiptarëve aq sa është i familjes së tij dhe i partive politike, andaj në qoftë se do të tentohet të përvetësohet apo kapitalizohet politikisht, me interesa politike të ngushta nga kushdo qoftë, e sidomos të llojit të fushatës zgjedhore, kjo figurë do të dëmtohet shumë”, ka thënë Gaxherri për “Kosova Sot”. Ajo thekson se LDD-ja do të kërkojë gjithmonë që figura e dr. Rugovës të respektohet nga tërë shqiptarët dhe të jetë personalitet shumëdimensional dhe ndërkombëtar, i cili do të zë vendin e merituar në historinë e shqiptarëve dhe që fotot e tij të vendosen në vendet ku duhet të jenë, që sheshet tona të kenë statujat dhe emrin e tij, por për këto veprime duhen ligje dhe se LDD-ja do të punojë në këtë drejtim.

Rabie Bala
Kosova Sot

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30