Agim Gashi:ZGJOHU SKËNDERBE!

nga **Agim Gashi** Sun Jan 19, 2014 9:36 pm

Agim Gashi:ZGJOHU SKËNDERBE!

O Ti mbreti i shqiptarëve,
O Legjendari Skëndërbe,
A ke ndie në botë t´amshueshme,
Përsëri n´robëri i shtrenjti atdhe?

Sot n´këtë tokë poshtrisht ulërijnë,
karpatjanë e muxhahedinë,
Me i shporrë këto hijena,
Atdhe e popull të kërkon ndihmë.

Na e rrënuen bustin e Nënë Terezës,
Duan me të rrënue Ty e Ibrahim Rugovën,
Zgjohu o i Madhi Skënderbe,
Na e shpëto Shqipërinë, Na e shpëto Kosovën.´

Se ky popull i shkretë ka mbetë,
Nuk ka shtet e nuk ka ligje,
Vuejnë nga bandat liqej e detna,
Vuejnë fusha, male e brigje.

Zgjohu, zgjohu Skënderbe,
Zgjoje edhe Ibrahim Rugovën,
Zgjoji dëshmorët edhe njëherë,
Adem Jasharin ta shpëtojë Kosovën.

Zgjoje Isën e Idriz Seferin.
Zgjoje Shotën bashkë me Norën,
Zgjoje atë Nanë Terezën,
Atdheut njëherë t’i vejmë kurorën.

N´këtë janar kur zemra e kombit,
Tue ju kujtue flak po ndrit,
Zgjohu Jusf, Bardhosh e Kadri,
Ti Rexhep e ti Nuhi.

Zgjohuni e ndalnie vajin,
Që nji komb po qan me lot,
Se ky popull do liri,
E nesërmja s’pritet, po duhet sot.

Ju dëshmorë jeni liria,
U bëtë dhe n’fronte e kufi,
Të vdekur janë t’gjallët e atdheut,
E Arbëria kërkon liri.

Zgjohu pra, o Skënderbe,
Me brigadat plot dëshmorë,
Po shesin dheun edhe ujin,
Para botës na bënë hor.

Eja pra mos u vono,
Ta shpëtojmë çka mund t’shpëtohet,
Si një popull plot kulturë,
Me krenari botës ‘i shkohet.

19.01.2014 Düren

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30