Haxhi Muhaxheri – Nga fletorja e një adoleshenti

nga **Agim Gashi** Tue Feb 11, 2014 12:19 pm

Haxhi Muhaxheri – Nga fletorja e një adoleshenti

1. LUMENJTË E ZEMRËS

Ditët rendin mbi njëra tjetrën

E dashuria më përvelon

Fjalë e pathënë keqas më tretet

Edhe pse në shpirt ngahera më vlon

Mendjen ma lexon moj lehtas si në përrallë

E mallin e fshehur heshtja jote e kall

Një frymëzim i dehur seç më rrjedhë damarëve

E lumenjtë e zemrës ndizën flakë

Kur një ditë prapë bashkë të jemi

Diellin vjedhurazi do e fus në gji

Vargjet në letër do të përligjen

Në këngën qëkurthi filluar për ty

2. LEGJENDA PËR DASHURINË

Në malin e harrimit

Ndrit një yll

Që shëron

Plaget e shpirtit

Në thellësinë e zemrës

Mbin një trëndafil

Rreze e fshehur për ty

Në rrugët

Që humbëm

Shkruhen

Legjenda për dashurinë

3. YJET DO NA KENË ZILI

Edhe pse udhët na janë ndarë

Ne bashkë jemi

E dashur

Frymojmë nën të njëtin qiell

I njëjti diell na ngrohë

Moj

Në ëndrra shpesh takohemi

E dashurisë

I japim shpirt

Orët po luten për ne

Të gjitha nyjet

Do të zgjidhen

Prapë kemi për ta lozur

Vallën e Psherëtimave

E yjet do na kenë zili

Haxhi Muhaxheri lindi më 4 qershor 1967 në Kosuriq të Pejës – Kosovë. Shkollën fillore e ka kryer në Gllogjan të Pejës, të mesmen në Klinë, ndërsa studimet (letersi dhe gjuhe) i ka vijuar në Univesitetin e Prishtinës. Haxhi Muhaxheri ka qenë kryetar i Shoqatës së Letrarëve të Rinj të Kosovës, editor i Shtëpsë Botuese “Pena”, kryeredaktorë dhe bashkëpunëtorë i disa revistave dhe gazetave.

Veç gazetarise, shkruan edhe poezi, tregime dhe kritike letrare. Haxhiu ka marrë çmimet e para për poezi në Takimet e Gjeçovit në Zym dhe në Sofra poetike në Drenas. Është themelues dhe udhëheqes i Portalit “Ora shqiptare” dhe i Revistës elektronike “AlbPlanet”.

Që nga viti 1999, jeton dhe krijon në Austri

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30