Akllapi Net - Forum i Hapur
Would you like to react to this message? Create an account in a few clicks or log in to continue.
Akllapi Net - Forum i Hapur

Vullnet Mato:BASHKË NË ÇDO ORBITË

Akllapi Net - Forum i Hapur :: Arti dhe kultura

Shko poshtë

Vullnet Mato:BASHKË NË ÇDO ORBITË Empty Vullnet Mato:BASHKË NË ÇDO ORBITË

Mesazh nga Agim Gashi Sun Feb 23, 2014 1:38 am

Vullnet Mato:BASHKË NË ÇDO ORBITË 1618683_1390840701184250_455739304_nVullnet Mato:BASHKË NË ÇDO ORBITË 1908463_1379750168959970_852676963_n
Vullnet Mato:BASHKË NË ÇDO ORBITË

Nëse disa ditë s’të vjen 
mesazh në celular,
dije se jam kthyer 
në këngë bilbili.
Hap dritaren të dëgjosh 
në pemët vërdallë,
zërin tim të blertë 
me fëshfërima pylli!

Nëse disa ditë nuk lexon, 
emrin tim të shkruar,
diku mbi vargje, 
apo në rreshtat e krijimit,
shiko mes dy malesh, 
ku dielli ka ndriçuar 
shkronjën e parë “V” 
me rrezet e agimit.

Nëse disa ditë nuk shfaqem 
te muri në internet,
dije se jam kthyer 
në valë elektronike.
Hap monitorin e shpirtit
të më kesh aty ku je vet,
të përqafohemi sërish, 
si nëpër netët magjike.

Pra, dije se nuk shkëputem
dot nga tërheqja jote
nga vlaga fuqidhënëse 
që më japin buzët e tua.
Edhe sikur të na ndajnë
nga vërtitja e kësaj bote,
në dy hapësira planetësh, 
unë prapë ty do të dua.

Oh, qofsha në gravitet 
të përjetshëm me ty,
që të desha me të tëra 
grimcat e shpirtit njerëzor! 
Dhe paçim në tërheqjen 
magnetike atë megafuqi, 
që mban të pashkëputur 
orbitat e dy trupave qiellor!...
Agim Gashi
Agim Gashi
Administrator
Administrator

Numri i postimeve : 45955
Age : 70
Location : Kosovë
Registration date : 17/11/2008

Mbrapsht në krye Shko poshtë

Mbrapsht në krye

- Similar topics

Akllapi Net - Forum i Hapur :: Arti dhe kultura

 
Drejtat e ktij Forumit:
Ju nuk mund ti përgjigjeni temave të këtij forumi