PD fajëson ministrin Gashin për krizën e ujit-Përgjigje e Ministrit Gashi

nga **Agim Gashi** Sun Feb 23, 2014 8:41 pm

PD fajëson ministrin Gashin për krizën e ujit

Partia e Drejtësisë (PD) konsideron se Ministria e Mjedisit dhe Planifikimit Hapësinor është përgjegjëse për krizën e ujit të krijuar pas rënies së nivelit të liqenit të Badovcit dhe Batllavës, për shkak të mungesës së reshjeve atmosferike.

Sipas PD-së, kjo ministri ka qenë dashtë t’i paraprijë situatës dhe të parapërgatitet në momentin që është vërejtur se ka mungesë të të reshurave.
PD vlerëson se ka munguar një plan qendror për menaxhimin e thatësisë, një përgjegjësi kjo e Ministrisë së Mjedisit dhe Planifikimit Hapësinor, e cila udhëhiqet nga ministri Dardan Gashi.
Nënkryetari i kësaj partie, Jeton Svirca, në një konferencë të mbajtur të dielën ka pohuar se ministria e Mjedisit si institucion përgjegjës për menaxhimin e resurseve ujore, duhet të ketë planin e thatësisë, apo në rastin e kundërt edhe të përmbytjeve.
“Sot, çmojmë angazhimin në drejtim të menaxhimit të situatës nga ana e Ministrisë së Zhvillimit Ekonomik dhe Kompanive Rajonale të Ujësjellësve, si dhe me angazhimin e Këshillit Ndërministror për Ujerat pranë ZKM-së të krijuar rishtazi, ndonëse shpresojmë se do t’ia dalin të administrojnë dhe të tejkalojnë situatën për të cilën Ministria e Mjedisit nuk ka qenë e vëmendshme”, ka pohuar ai.
PD fton Qeverinë të përgjigjet në kërkesat urgjente të Kompanisë Rajonale të Ujësjellësve “Prishtina” në mënyrë që të sigurohet mbushja emergjente e Badovcit.
Por, në këtë aspekt PD shpreh shqetësimin me faktin se në këtë kanal ka shkarkime ilegale të kanalizimit nga vendbanimet përgjatë kanalit. “Kjo rrezikon dukshëm cilësinë e ujit dhe rrjedhimisht cilësinë e liqenit të Badovcit”.
Megjithëkëtë, nënkryetari Svirca, ka thënë se edhe për këtë çështje përgjegjësia bie mbi Ministrinë e Mjedisit.
PD ka ftuar Komunën e Prishtinës të merr masa urgjente në ndalimin e kyçjeve ilegale në rrjetin e ujësjellësit dhe ndalimin e autolarjeve deri në tejkalimin e situatës.
Ndërsa Ujësjellësi duhet të ndërmerr masa permanente për zvogëlimin e humbjeve komerciale (kyçjeve ilegale) dhe teknike dhe të përkrahet nga të gjithë akterët për hulumtimin e resurseve alternative.
© KOHA.net

Gashi: Deklarata e PD-së hakmarrje absurde politike

Dardan Gashi e ka quajtur përpjekje absurde për hakmarrje politike, deklaratën e Partisë së Drejtësisë, se Ministria e Mjedisit dhe Planifikimit Hapësinor, të cilën e drejton Gashi, është përgjegjëse për krizën e ujit të krijuar pas rënies së nivelit të liqenit të Badovcit dhe Batllavës, për shkak të mungesës së reshjeve atmosferike.

© KOHA.net
Ministri Gashi i ka thënë “Kohës Ditore” se ministria e tij nuk ka lidhje me ujin e pijshëm, por këtë duhet ta menaxhojnë kompanitë e ujësjellësit.
“Në përgjithësi në Kosovë nuk ka thatësi shumë të madhe, përveç Prishtinës, dhe kjo ka ndodhur nga keq menaxhimi i ujit nga ana e ujësjellësit”, ka thënë ministri Gashi.
Për Partinë e Drejtësisë, ministri Gashi ka pasur një këshillë.
“Partia e Drejtësisë, le të rregullojë punët e veta në Ministrinë e Shëndetësisë, ministri kjo e cila ka më së shumti probleme. Pra, e thash që kjo po bëhet vetëm për hakmarrje politike”, është shprehur Gashi.
Gashi, nga “Lista Ibrahim Rugova” e Partia Drejtësisë me Ferid Aganin ministër të shëndetësisë janë të dy në qeverinë “Thaçi 2”.
Sherri mes Gashit dhe PD-së plasi pas kërkesës së këtij të parit që të rregullohet me ligj çështje e ndotjes akustike nga zhurma e altoparlantëve në minaret e xhamive dhe të kambanave të kishave.

Mon	Tue	Wed	Thu	Fri	Sat	Sun
		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29	30	31