FESTIM, KUJTIM DHE KRENARI!

nga **Agim Gashi** Fri Mar 07, 2014 12:37 pm

AGIM GASHI

FESTIM, KUJTIM DHE KRENARI!

7 Marsi është Dita e Mësuesit dhe e shkollës laike shqipe. Për gjuhën dhe diturinë është punuar edhe para kësaj date. Sipas mendimit tim shkolla shqipe ka histori edhe më të gjatë për çka duhet studime të mjaftueshme e jo deri tani shkel e shko. Pishtarët e arsimit nuk i mungonin popullit tonë. Ndër shekuj kishim emra që u flijuan për shkollën dhe arsimin shqip si Pjetër Budi, Andrea Bogdani, Pjetër Bogdani, Pjetër Mazrekaj, Mikel Tarabulluzi e personalitete tjera të shquara të kulturës dhe historisë shqiptare. Në udhën e përkushtimit për shkronjën dhe shkollën kemi edhe mësues martirë, si Papa Kristo Negovani, Shtjefën Gjeqovi e shumë tjerë për të ardhur deri te vrasja e mësuesit Halit Geci para syve të nxënësve të tij si dhe shumë mësuesve tjerë që i mori lufta e fundit.
Na mbetet që në këtë ditë, kur festojmë në të katër atnët e tokave të Arbërit, ti kujtojmë e nderojmë edhe ata që u bë dhe për ne.

LAVDI MËSUESVE TË RËNË!

Për nder dhe në përkujtim të martirëve mësues po ua dhuroj poezinë time: „Kur vritet mësuesi“!

KUR VRITET MËSUESI
(Në kujtim të mësuesit Halit Gecit dhe të gjithë mësuesve martir)

Kur vritet mësuesi,
Rrëzës Qyqavicës,
Nxjerr tytën nga mali,
Pushkë e Shotë Galicës.

Kur vritet mësuesi,
Për nder të Atdheut,
Mbin mbi Dhaskal Todhrin,
Shpatë e Skënderbeut.

Kur godasin mësuesin,
Duar gjakatare,
Djemte e UÇK-së
Bëhen Abetare.

Kur vritet mësuesi
Për një pëllëmbë fushe,
Shkronjat n´Abetare
Marrin ngjyrë të kuqe.

Kur vritet mësues
Për dritë të lirisë,
Djemtë e UÇK-së
Marshojnë Arbërisë.

1997
A.G.

nga **Agim Gashi** Sat Mar 08, 2014 12:31 am

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30

FESTIM, KUJTIM DHE KRENARI!

FESTIM, KUJTIM DHE KRENARI!

Re: FESTIM, KUJTIM DHE KRENARI!