Kimete Berisha:Hajnat i pështyjmë në rrugë

nga **Agim Gashi** Wed Apr 09, 2014 6:21 pm

Kimete Berisha:Hajnat i pështyjmë në rrugë

Nuk e sulmuan me domate se shtrenjtë. Shih videon qysh i ngrit krahët lart, qysh krenohet rojtari i Kryeministrit, pasi që e godet në bark studentin e inatosur, bash aty ku e ka epiqendrën truri i vogël.

Se sa rëndë është të të gjuajnë me domate në rrugë, i pari shqiptar para dhe pas luftës e ka provuar Rexhep Qosja, e më 2011 e provoi edhe Edita Tahiri, të cilës për pak iu shtrydh domatja e Vetëvendosjes në këmishën topa-topa.

Sot e provoi edhe Kryeministrin Hashim Thaçi se çka do të thotë të të fyejnë papritur, në rrugë, para kamerave dhe para popullit!

Nuk e provoi domaten fytyrës, po disa studentë në mënyrë të organizuar e fyen rëndë para mensës së studentëve.

E quajtën ‘hajn’ , Kryeministrin që atyre po ua liron çmimet e shpenzimeve.

Rebelimi i atyre djemëve nuk kishte ‘motiv’, nuk ishte as momenti, as njeti, që Kryeministrin ta quajnë ‘hajn’e ‘dallaveraxhi’.

Hajn i thonë atij personi që vjedh tjetrin, pa e përdor dhunën.

Diogjeni e dinte se hajnat i pështyjmë në rrugë, kurse bosat e krimit të organizuar ‘i respektojmë’, nga frika.

Kryeministri, këmbëngulës dhe kokëfortë siç është, ia doli ta ruaj buzëqeshjen para shfaqjes patetike që performohej për ta poshtëruar para opinionit.

Studenti që ishte nervozuar me Kryeministrin dhe e quante ‘hajn’ bërtiste me sa zë që kishte, si vajza e re kur ia vjedhin çantën hajnat kalimtar në rrugë, apo nusja që lemeritet sikur kur e piskon gjarpri para kalimtarëve në rrugë, kur ‘xheparoshët’ ia këpusin qaforen e dukatit nga qafa.

Studentëve nuk u mungonte basi, por u mungonte motivi.

Kryeministri qeshi, derisa dy-tre studentë në mënyrë dramatike përjetuan katarsisin në duart e truprojeve të Kryeministrit.

Krejt si te Shekspiri: ‘grabitësi që qesh, ka vjedhur diçka nga hajni’!

P.S. Shih videon qysh i ngrit krahët lart, qysh krenohet rojtari i Kryeministrit, pasi që e godet në bark studentin e inatosur, bash aty ku e ka epiqendrën truri i vogël.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30