AGIM GASHI:URIME DYVJETORI I LINDJES NOAR!

nga **Agim Gashi** Fri Apr 11, 2014 11:30 pm

AGIM GASHI:URIME DYVJETORI I LINDJES NOAR!

I dashur nipi im Noar!
Sot më thirri gjyshi yt Mal Myrtaj dhe ma Uroi Ditëlindjen tënde.Biseduam shumë për ty dhe u lidhëm me nga një drekë cili mund Ty me të zënë.Kush mundet ty sot me të zënë kur ti vrapon si një atlet.As babi e mami spo munden më me të dal para. Nga zemra ta Uroj dyvjetorin e lindjes duke ta publikuar poezinë e lindjes sate me disa vargje taze:

Sot ke mbush dy vjet
Të gzoftë i lumi atdhe,
Ti engjulli i gashëve
Gëzimi i mambi e babit je.

Buzqeshja jote e ëmbël
Fisin mbush gjallëri,
U gëzoftë toka jonë
Shpëtim qofsh për Arbëri!

URIME NOAR I XHAXHIT
PËR BESË TË DUA SHUMË,
SHARKIN TY TA LË AMANET
KËDOFSH MË MIRË SE UNË!

Gëzuar e rrofsh njëqindvjet!

NOARI IU SHTUA FISIT

Sot u gëzova me gjithë zemër,
Me një lajm sjellë nga Kosova,
Lindi Noari i Debatikut
U gëzova unë, qeshi diaspora.

Si mos të gëzohem unë mërgimtari,
Kur zemra ime e mbushur mallë,
Për çdo lindje që i shtohet atdheut,
Me sharki këngën e shkruaj në ballë?

Nipi im Debatik Gashi,
Atë ditë kur u operova,
Erdhi n´vizitë tek plagët e mia,
Thua më erdhi gjithë Kosova.

Dhe ja sot kumboi lajmi,
Nusja Dafinë nga Dukagjini,
Lindi Noarin të shëndoshë si molla,
Me një djalë e shtoi fisin.

U gzue Afrimi e u gëzue Gjyla,
Fisi i Gashit anë e mbanë,
N´breg t´Prishtinës pushkë gëzimi,
Edhe kënga s’ka të ndalë.

Ty Dafinë e Debatik,
Nga thellësi e zemrës sime,
Ju uroj titullin Nënë e Babë,
Ta rrisni Noarin me shumë gëzime.

Unë nga shtrati i lëngimit,
Nga gëzimi në këmbë jam çue,
Për morfina e të tjera ilaçe,
Fare sot nuk kam mendue.

M’u kanë ndalë dhimbjet e mia,
Qeshi qielli e qeshi dheu,
Zemra mal e mërgimtarit
Kur i shtohen engjuj atdheut!!!

11.04.12

Tash je rritë Nori trim
Po qesh bukur si arshik,
Kanë fillue të dalin dhëmbët
Dikend n´faqe për me gicë.

Rritu, rritu Noar nipi
Rritë të mbarë axha të dëshiron,
Mu bëfsh si skyfter mali
Nesër një shtet ti ta gëzon!

Mon	Tue	Wed	Thu	Fri	Sat	Sun
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30