Veteranët: Gjykata Speciale nëse prekë ‘patriotët’ mund ta ‘kallim’ Ballkanin

nga **Agim Gashi** Sat Apr 26, 2014 11:03 pm

Veteranët: Gjykata Speciale nëse prekë ‘patriotët’ mund ta ‘kallim’ Ballkanin

Shoqatat e dala nga Lufta e UÇK-së, kanë reaguar ndaj vendimit për themelimin e Gjykatës Speciale, duke thënë se themelimi i kësaj gjykate mund të qojë në destabilitet rajonal. Ata nuk dinë se si do të veprojnë pas këtij vendimi por kanë paralajmëruar se javën që vjen do ta mbledhin kryesinë për të diskutuar veprimet e tyre të mëtutjeshme.

Në emër të invalidëve të luftës dhe familjarëve të dëshmorëve të Ushtrisë Çlirimtare të Kosovës, Xhavit Jashari, thotë për KosovaPress se deputetët e Parlamentit dhe përgjithësisht institucionet e vendit nuk kanë llogaritur se veprimet e tilla qojnë në destabilitet, dhe në qoftë se ndodhë një gjë e tillë, fajin dhe përgjegjësinë e kanë institucionet, transmeton express.
Xhavit Jashari vlerëson se është një spektakël që luhet me vlerën e tyre, me të cilën fyhet një popull i tërë, e në veçanti lufta e Ushtrisë Çlirimtare të Kosovës.
“Gjithë kjo veprimtari që po zhvillohet në kurriz të vlerës, po i fryn një zjarri, një destabiliteti jo vetëm në Kosovë, por edhe në Ballkan, sepse një ditë duhet t’i thuhet stop kësaj praktike dhe gjithë kjo po ndodhë me luftën edhe pjesëtarët e Ushtrisë Çlirimtar e të Kosovës”, deklaron Jashari.
Edhe kryetari i Organizatës së Veteranëve të Luftës së UÇK-së, Muharrem Xhemajli, ka paralajmëruar se javën që vjen do të mblidhet kryesia e saj, për të diskutuar veprimet e mëtutjeshme pas vendimit për themelimin e Gjykatës Speciale.
Për të kundërshtuar themelimin e kësaj gjykate pati kërkuar edhe Shoqata "Atlantiku”, e cila përfshinë veteranët e Batalionit “Atlantiku” që luftuan në kuadër të UÇK-së për çlirimin e Kosovës dhe qindra simpatizues shqiptaro-amerikanë në Amerikë.
Deputetët e Kuvendit të Kosovës me 89 vota për, 22 kundër dhe 2 abstenime, kanë miratuar Projektligjin për ratifikimin e Marrëveshjes ndërkombëtare ndërmjet Republikës së Kosovës dhe Bashkimit Evropian mbi Misionin e Bashkimit Evropian për Sundimin e Ligjit në Kosovë dhe themelimin e Gjykatës Speciale, e cila do të trajtoj krimet e pretenduara të UÇK-së.
E në mbledhjen e fundit të Qeverisë së Kosovës kabineti qeveritarë ta votuar pro Projektligjit për mbrojtjen juridike dhe mbështetjen financiare të personave të akuzuar potencial në proceset gjyqësore pranë Gjykatës Speciale, është dokumenti i parë i cila ka marr aprovimin e kabinetit qeveritar./standardi.info

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30