Kastriot Ymeri: i shkruan Thaçit: mos luaj me ndjenjat e familjarëve të vrarë pas lufte!

nga **Agim Gashi** Thu May 29, 2014 6:40 pm

DJALI I HAKI YMERIT I SHKRUAN HASHIM THAÇIT: MOS LUAJ ME NDJENJAT E FAMILJARËVE TË VRARË PAS LUFTE!

Kastriot Ymeri: i shkruan Thaçit: mos luaj me ndjenjat e familjarëve të vrarë pas lufte! Largea_hakiymeri11386779249

Kastriot Ymeri: i shkruan Thaçit: mos luaj me ndjenjat e familjarëve të vrarë pas lufte! Largea_hakiymeri11386779249

Kastriot Ymeri, djali i mësuesit të vrarë pas luftës në Drenicë, Haki Ymerit, është ndier i indinjuar, sepse Hashim Thaçi i bën “reklamim” familjes së tij në televizion.
Kastrioti ia ka parë për të madhe Hashim Thaçit kur ka “transmetuar” në televizion pamje të familjarëve të tij: babait, bashkëshortes e djalit. Në letrën e tij ai ka shkruar: “Hashim Thaçi, me prezantimin që i bëre familjes sate, a nuk të shkoi ndërmend që po i lëndon shumë familje, të cilat, ti e di mirë, që ti Hashim dhe suita jote ua vratë më të dashuritë . Hashim, sikur t’i kishe pritur baballarët e atyre që i vratë, ata do të thoshin se kanë qenë më të mirët, ata do të thoshin më shumë sesa Haxhi Thaçi për ty, se ne ty të njohim të gjithë. Por fatbardhësisht ky popull i ka njohur të gjithë ata që ju - ti dhe suita jote, i vratë. Hashim me prezantimin e familjes sate ne u prekëm thellë!
A nuk të ra ndërmend apo po tregohesh kapadai? A mos mendove që ne e harrojmë gjakun e familjarëve tanë të vrarë?! Jo, kurrë, as tash e as pas 100 vjetësh, nuk do t’i harrojmë kur i vratë njerëzit më të mirë të kombit, vetëm e vetëm për të plaçkitur, uzurpuar , ashtu siç e dimë të gjithë.
Hashim, të pyes: sikur të të kishte ardhur lajmi për babanë tënd Haxhinë , nënën Hyrë, bashkëshorten Lumen , djalin Endritin, vëllezërve të tu, ashtu siç u erdh lajmi i zi familjeve tona për vrasjen e më të dashurve tanë, a i kishte ardhur mirë familjes e suitës sate kur do të shihnit një kryeministër tjetër duke “reklamuar” familjen dhe kënaqësinë familjare?
Hashim, ia morët jetën profesorit Haki Ymeri, latë fëmijë jetimë - pa prindër, pa djalë, pa vëllezër, pa vëlla, e ashtu ndodhi me Xhafer Behramin, atij edhe djalin ia vratë, tjetrin ia plagosët, ndërsa vëllanë me familje ia humbët diku në Evropë. A nuk është ky një krim i madh kundër një familjeje shqiptare?

Hashim, kanë ndodhur edhe vrasje të tjera.

Ma vratë babanë tim, Haki Ymerin. E vratë Azem Ahmetin, nipin e Ahmet Delisë, Besim Dajakun truprojën e ish-Presidentit Ibrahim Rugova, Bekim Kastratin, nipin e Shaban Polluzhes, Shaban Manajn, Smajl Hajdarin, Ismet Rracin, Ukë Bytyçin, Xhemajl Mustafën, Tahir Zemajn, Sebahate Tolajn, Isuf Haklajn, Arben Sejdiun, këta të katërtët ishin ushtarë të UÇK-së, dhe policë të Kosovës. Janë shumë për t’i numëruar, por unë desha të të pyes ty, Hashim dhe suiten tënde, edhe një herë: sikur t’i kishte ardhur lajmi i zi familjes sate, si do të ishin ndier ata, më të dashurit tuaj?
Hashim, mos u reklamo aq shumë me familjen tënde se neve na i shprushni plagët e hapura, na vlon gjaku dhe na plas zemra!”, shkruan në letrën e tij Kastriot Ymeri, djali i Haki Ymerit të vrarë më 2 nëntor 1999 në Drenicë.

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30