EKSPLODIM FATAL NË OBILIQ:Një i gjallë nën rrënoja, po bëhet përpjekje për nxjerrjen e tij

nga **Agim Gashi** Fri Jun 06, 2014 6:06 pm

Një i gjallë nën rrënoja, po bëhet përpjekje për nxjerrjen e tij

EKSPLODIM FATAL NË OBILIQ:Një i gjallë nën rrënoja, po bëhet përpjekje për nxjerrjen e tij Largea_kek-madhe1402065881

EKSPLODIM FATAL NË OBILIQ:Një i gjallë nën rrënoja, po bëhet përpjekje për nxjerrjen e tij Largea_kek-madhe1402065881

(E plotësuar) - Një person është nxjerr i gjallë në këto qaste, nga rrënojat ku ka ndodhur shpërthimi në Termocentralin ‘Kosova A’.

Këtë e kanë konfirmuar Arsim Gërxhaliu. Sipas tij ai nuk është nxjerrë akoma megjithëse FSK po e bën të pamundurën që ta nxjerrë atë shëndosh e mirë, ndërsa është parë

Emergjenca të hyjë në këto qaste tek vendi i rrethuar. Nuk dihet për gjendjen e tij, por thonë se është i gjallë.

Thuhet se ai ishte punëtorë i një kompani kontraktuese të KEK-ut.

Nxirret trupit i pajetë i njërit punëtor, dyshohet të jetë i Lutfi Jasharit

Ministri i FSK-së, Agim Çeku ka konfirmuar se është nxjerrë një trup i pajetë nga rrënojat ku ka ndodhur shpërthimi në termocentralin “Kosova”

Tha se viktima është diku rreth moshës 65 vjeçare, por nuk ka bërë të ditur identitetin e tij. Thuhet se nën rrënoja janë edhe dy punëtorë.

Burime thone se viktima mund te jete Lutfi Jashari nga Prishtina.

Një burim i lartë në KEK, i ka thënë se tashmë dy prej të vdekurve janë identifikuar, por jo edhe viktima e tretë.

“Dyshohet se mund të jetë ndërkombëtar”, ka thënë ai.

Disa media raportojnë se mund të shkojë në 5 numri i viktimave, mes të cilëve njëri dyshohet se ka qenë punonjës i një kompanie private, kontraktore në KEK.

Mbiemrat e te vdekurve nga eksplodimi ne KEK, sipas nje burimi te gazetes, jane Mehana dhe Jashari.

Nuredini kërkon shokun e tij të humbur në KEK: Do Zoti është gjallë

Nuredin Dardhishta është vetëm njëri nga të lënduarit në shpërthimin e madh që ndodhi sot termocentralin Kosova A. Mirëpo ai fatmirësisht ka shpëtuar pa pasoja të rënda dhe tashmë është liruar nga QKUK.

Por ai vazhdon të qëndron në Emergjencë duke kërkuar shokun e tij ose të paktën duke pritur që ai të vij aty vetëm me pasoja të lehta.

Nuredini ishte së bashku me të kur ndodhi shpërthimi mirëpo, vetëm ky kishte fatin që të dilte me kohë nga vendi i ngjarjes.

“Gjithçka ka ndodhur për 2 ose 3 minuta. Një zhurmë e madhe është dëgjuar. Tani pe pres shokun, Pe pres një përgjigje për të. Ishalla do zoti është gjallë.

Nuk ka asnjë informatë ende në të. Kemi qenë bashkë afër 5 metra. Me të ndodhur shpërthimi kam dashur të afrohem t’i ndihmoj mirëpo ka qenë e pamundur dhe unë jam larguar.

Më kanë dërguar në Obiliq në emergjencë ndërsa shoku im ka mbetur mbrapa. Nuk po besoj që është gjallë pasi që shpërthimi ka qenë i madh”, tregon duke qarë Nuredini.

Instituti i Mjekësisë Ligjore shkon për t’i marrë viktimat në KEK

Mjekët e Institutit të Mjekësisë Ligjore janë nisur për të shkuar në vendin e shpërthimit që ka ndodhur sot në objektet e KEK’ut. Kjo është konfirmuar nga Arsim Gërxhaliu.

Zyrtarët e Mjekësisë Ligjore kanë konfirmuar se janë nisur për në vendin e ngjarjes per t'i marre viktimat.

Nga 13 të lënduarit të cilët kërkuan ndihmë në QKUK si pasoj e shpërthimit në KEK, 11 prej tyre tashmë janë liruar për në shtëpitë e tyre.

Ndërsa 1 tjetër është sallën e operacionit e një tjetër është ende shtrirë në emergjencë. Ndërkohë QKUK ka nisur edhe 3 ambulanca tjera për në vendin e shpërthimit ku pritet që të vijnë edhe disa të lënduar të tjerë.

Bashkim Canaj, njëri prej të lënduarve tha para gazetarëve, se ngjarjka ka ndodhur diku rreth orës 10:00

“Papritmas është dëgjuar një zhurmë e madhe, dhe vetëm e kemi parë vetën të lënduar, nuk di asgjë më shumë”, ka thënë Canaj.

Ja emrat, vendlindjet dhe moshën e punëtorëve të KEK’ut që u lënduan sot në Tragjedinë që ndodhi aty.

1-Naim Hajrizi 1978 Prishtinë

2-Bashkim Kutllovci 1950 Prishtinë

3-Bashkim Tanaj 1968 Obiliq

4-Nyredin Dardhishta 1985 Kaqanik

5-Izet Dedinca 1969 Lajthisht-Obiliq

6-Mentor Avdyli 1979 Dobroshevc Drenas

7-Besim Elezi 1977 Mihhaliq - Obiliq

8-Elmza Hoxha 1956 Miradi e ulet - Fushë Kosovë

9-Shemsi Klinaku 1975 Obiliq

10-Besim Krasniqi 1974 Obiliq

11-Rrahman Alshiqi 1953 Obiliq

12-Hamdi Kutllovci

13-Ali kutllovci

Fillon evakuimi i banorëve rreth KEK’ut, priten shpërthime tjera

Aktualisht ka filluar evakuimi i familjeve nga shtëpitë që ndodhen shumë afër vendit ku ka ndodhur shpërthimi.

Banorët dhe qytetarët aty, thonë se prej dje ka nisur një rrjedhje e hidrogjenit e cila është injoruar nga menaxhmenti i KEK’ut Në ndihmë përveç njësiteve tjera, në vendin e ngjarjes kanë dalë edhe njësitet e FSK’së.

Pavarësisht se FSK ka dalë në vendin e ngjarjes, ata nuk po mund të intervenojnë. Kjo pasi po është paraqitur rrezik që të shpërthejnë edhe dy bombolat tjera të gazit si dhe shembja e pjesës tjetër të ndërtesë.

Nga vendi i ngjarjes ku ndodheshin ndihma e shpejtë dhe automjetet e tjera, janë larguar për shkak të këtij rreziku.

Në vendin e ngjarjes ka dalë edhe Avokati i Popullit.

Thaçi: Rreziku nuk ka kaluar - gjendja po mbahet nën kontroll

Kryeministri i Kosovës, Hashim Thaçi në një paraqitje të drejtpërdrejtë për në transmetuesin publik ka thënë se ka ndodhur një fatkeqësi në Termocentralin “Kosova A”.
“Ka ndodhur një fatkeqësi ka dëme material ka edhe të lënduar. Tani për tani nuk mund të jap informata tjera, vetëm mund të them se e gjitha ka ardhur nga shpërthimi I bocave të hidrogjenit. Po mundohemi të evitojmë pasojat, të shpëtojmë çdo jetë të punëtorit”, ka deklaruar Thaçi.

Sipas tij, ndonëse rreziku nuk ka kaluar qind për qind, nuk ka nevojë që të bëhet panikë.

EKSPLODIM FATAL NË OBILIQ:Një i gjallë nën rrënoja, po bëhet përpjekje për nxjerrjen e tij Zhaci-

EKSPLODIM FATAL NË OBILIQ:Një i gjallë nën rrënoja, po bëhet përpjekje për nxjerrjen e tij Zhaci-

“Do ti marrim të gjithat masat të kaloj me e keqja. Janë aktivizuar pjesëtarë të FSK-së, Policisë së Kosovës, Zjarrfikësit, Ndihma e Shpejtë…”, ka thënë kryeministri Thaçi.

***
Burime të gazetës “Bota sot”, brenda Korporatës Energjetike të Kosovës, bëjnë të ditur se dyshojnë që ka qenë një bombol hidrogjeni shkak i këtij shpërthimi, dhe se i vdekuri është një punëtor nga Mitrovica.

Rreziku, tash është se afër vendit të shpërthimit ndodhen edhe dy boca tjera të hidrogjenit, të cilat mund të shpërthejnë nëse nuk ndalet zjarri.

Prandaj, policia ka rrethuar objektin dhe nuk po lejon të afrohen askush aty.

Mediat raportojnë se nga shpërthimi i fuqishëm kanë mbretur të vdekur tre persona, por që ekziston rreziku që të ndodhë edhe ndonjë shpërthim.

Një shpërthim i madh ka ndodhur në Korporatën Elektroenergjetike të Kosovës, diku në pjesët ndihmëse të pjesës së prodhimit. Dyshohet se ka të vdekur dhe të lënduar, por asgjë nuk është konfirmuar ende.

Në Qendrën Klinike Universitare të Prishtinës kanë konfirmuar se prej andej janë sjellë 13 persona të plagosur, të cilët gjenden jashtë rrezikut për jetën, informata te pakonfirmuar thonë se 3 punëtore te KEK'ut kane vdekur.

Drejtori i Prodhimit në KEK, Arben Gjuka, tha se shpërthimi ka qenë jashtëzakonisht i fuqishëm.

Mjeku Basri Lenjani jep detajet e fundit nga të lënduarit

Bastri Lenjani: Gjithsej kanë kërkuar ndihmë në qendrën mjekësore 14 prej tyre 12 të lënduar pas trajtimit mjekësorë, egzaminimive laboratorike e radiologjike dhe konsulencave janë dërguar për trajtim të më tutjeshtëm në shtëpi. Kurse dy rastet e fundit ende janë ka trajtohen në kliniken emergjente”.

Më tej, Lenjani ka thënë se këto dy raste të lënduarve pritet që të bëhet ekzaminimi i tyre dhe pas 3-4 ore të dërgohen në shtëpi për trajtime të mëtutjeshëm.
“Ju konfirmoj zyrtarisht në kliniken emergjente nuk është detektuar asnjë i vdekur si pasoj incidentit të ndodhur në Obliq”, ka thënë Lenjani.

Mësohet se kryeministri Hashim Thaçi është nisur drejt KEK-ut.

Drejtori i Prodhimit, Arben Gjuka ka thënë se shpërthimi ka qene i fuqishëm dhe ai ka ndodhur ne pjesët ndihmese te Kosovës A.

"Policia është ne vend te ngjarjes, unë jam afër vendit te ngjarjes. Ende nuk e dimë se sa persona janë te lënduar apo te vdekur", ka thene Gjuka.
*******
Një shpërthim i madh ka ndodhur në KEK, te kazanët e Kosovës A. Sipas mediave në vend ka disa të plagosur dhe mund të ketë edhe të vdekur.
Zhurma e këtij shpërthimi është dëgjuar edhe në disa pjesë të Prishtinës.

Policia, ndërkaq, i ka thënë se “janë në dijeni të një shpërthimi”, por që nuk dinë asgjë më tepër.

EKSPLODIM FATAL NË OBILIQ:Një i gjallë nën rrënoja, po bëhet përpjekje për nxjerrjen e tij Shperthkek