Nuk ishte aksident. Ishte papërgjegjësi- e korrupsion potencial!

nga **Agim Gashi** Fri Jun 06, 2014 8:34 pm

[size=40]Nuk ishte aksident. Ishte papërgjegjësi- e korrupsion potencial![/size]

Nuk ishte aksident. Ishte papërgjegjësi- e korrupsion potencial! Astro_blic-e1399803630755

Nuk ishte aksident- dhe as i papritur. Problemi ishte evidentuar shumë kohë më parë… Nuk u rregullua asnjëherë. Dikush duhet dhënë përgjegjësi.
Tenderët nuk janë kryer, por janë zvarritur. Janë shpallur e rishpallur, madje është tentuar të blihen pajisje që nuk kryejnë punë në termocentral, por te ndonjë servis automekanikësh. Korrupsioni ishte në pyetje? Krenar Gashi e tha me të drejtë në rrjete sociale: Shpërtheu korrupsioni.
Dikush duhet me dhënë përgjegjësi, të paktën morale, nëse jo edhe përgjegjësi penale– duke u nisur nga KEK-u.
E njoh shumë mirë Korporatën Energjetikë të Kosovës. Madje kam edhe lidhje “emocionale” me të. Karrierën e gazetarisë thuaja se e kam filluar nga aty. Nja 6 vite rresht kam shkruar për ditë për të.
E di fort mirë se në çfarë kushtesh të rënda punohet aty e ato kanë qenë të tmerrshme në vitet e para të lirisë.
E di edhe sa të vjetra e të pariparueshme janë ato blloqe, posaçërisht ato të Kosova A. Ai vend lirshëm mund të shërbejë për xhirimin e filmave horror. Ke frikë edhe 5 minuta të rrish aty- lëre më të punosh. Për shkak të moshës ato janë cilësuar si Dinosaur.
Prandaj, sot përgjegjësi ka jo vetëm në KEK, por edhe aty ku nuk u lejua të ndërtoheshin kapacitete të reja energjetike e të na mbyllej ky termocentral. Përgjegjësi politike dhe morale të paktën.
Kjo shoqëri duhet të vetëdijesohet… kanë humbur jetëra njerëzish! Nuk na janë kalbur domatet apo specat në bahçe.
Shpërthimi i sotëm është i dyti me radhë që po ndodhë në Termocentralet tona.
Nuk ka pikë nga qielli, as tash e as atëherë kur “rrufeja” dogji Termocentralin tjetër “Kosova B”. Atëbotë kur rrufeja goditi, rrufepritësit ishin të ndalur. U djeg Kosova B për të fshehur vjedhjet milionëshe që ishin bërë gjatë riparimeve. E patëm shkruar atëbotë në gazetën ku punoj, në Koha Ditore.
Nuk ishte aksident as edhe atëherë, ashtu siç nuk është as sot.
Ky nuk është një shkrim, është vetëm përmbledhje mendimesh.
Përveç ngushëllimeve, familjeve të të vrarëve duhet të ju japim edhe drejtësi. Prokuroria duhet të filloi hetimet meniherë. Kjo tragjedi nuk është zgjedhore.
Ne të tjerët kemi pasur fat, shpërthimi ka mundur lehtë të vjen deri te dyert tona.

nga **Agim Gashi** Fri Jun 06, 2014 8:39 pm

Nuk ishte aksident. Ishte papërgjegjësi- e korrupsion potencial! F1155C01-BD3C-49EA-BD25-608CE42E59F0_cx0_cy1_cw100_mw1024_s_n

Naim Rashiti, analist i Grupit të Politikave për Ballkan ka shkruar një status në profilin e tij në FB, ku thotë së sot në mëngjes ka raportuar për nivelin e tymit që dilte nga blloku A i termocentraleve të KEK-ut i cili me vonë eksplodoj. Sipas tij, edhe mbrëmë ka pasur një shpërthim.
“A e din çka? Autoritetet nuk do ta tregojnë të vërtetën por edhe mbrëmë ka pasur një shpërthim të vogël në po të njëjtin rezervuar të hidrogjenit. Njeri prej rezervuarëve të Hidrogjenit që ka shpërthyer ka pasur vazhdimisht rrjedhje. Në fakt, rrjedhje në gypa të cilët ashtu si rezervuari kame qenë shumë të vjetër”, ka thënë Rashiti.
Ai ka shpjeguar në vazhdim së hidrogjeni është shumë i rrezikshëm dhe rrjedha e hidrogjenit është vërejtur shumë kohë më parë dhe siç thotë ai, nuk është ndërmarrë asgjë.
“Inxhinieri qe ishte përgjegjës për rezervuarët humbi jetën tre muaj para pensionimit. Nëse dikush raporton se ishte aksident gënjen. Rrjedha është vërejtur dhe raportuar shumë kohë më parë”, ka shkruar Rashiti. /Gazeta Blic/

Mon	Tue	Wed	Thu	Fri	Sat	Sun
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30

Nuk ishte aksident. Ishte papërgjegjësi- e korrupsion potencial!

Nuk ishte aksident. Ishte papërgjegjësi- e korrupsion potencial!

Rashiti: Nëse dikush raporton se ishte aksident gënjen